URXE ADQUIRIR OS TERREOS NECESARIOS PARA AMPLIAR O MUSEO PROVINCIAL DO MAR EN SAN CIPRIÁN
<< Cultura versus ladrillo >>
Nos pasados días coñecíamos que, a pesares de levar anos en supostas negociacións, que serviron para que os actuais responsables da Deputación provincial fixeran unha multitude de fotos e propaganda, aínda non foron quen de realizar unha oferta firme para a adquisición da finca de 1.471 metros cadrados onde estaba prevista a ampliación do Museo provincial do Mar.
Desde a administración provincial, nacionalistas e socialistas, levan demasiado tempo enganando á propietaria deste espazo e enganando a todos os veciños. Nin existe intención, nin disposición de recursos orzamentarios para levar adiante a tan necesaria ampliación da xoia museística por excelencia que a provincia de Lugo ten en San Ciprián.
De nada sirve ter aos dous portavoces municipais da oposición a soldo e en cargos de relevancia do Goberno provincial. Non miran polo seu pobo e nada teñen achegado ao seu concello. Só promesas, compromisos e palabras que nunca acaban por cumprir. Actúan con deslealdade e desprezo ante a petición dos seus veciños.
Urxe adquirir os terreos necesarios para acadar a pretendida ampliación do Museo do Mar, como vimos reclamando desde o Concello de Cervo, e desde distintas estancias veciñais e sociais. Non só porque os seus espazos quedaron pequenos, e gran parte do patrimonio deste museo non pode ser exposto e permanece gardado, senón tamén porque o contrario sería a victoria do ladrillo por enriba da cultura.
A propietaria ten na man, amparándose na lexislación vixente,a venta dos terreos a unha promotora que levantaría alí un edificio de tres plantas, baixo cuberta e soto. En primeira liña de praia. Coa lei na man autorización sería irreversible. Evitalo depende da vontade política da Deputación. Que ten dúas opcións: seguir ata o de agora mirando cara a outro lado, ou pode apostar pola cultura, por garantir o noso tesouro museístico, apostar polo Museo provincial do Mar. Nesa tarefa contará co apoio decidido do Concello de Cervo e do conxunto dos seus veciños
Jose Manuel Balseiro Orol
Tenente de Alcalde e edil de urbanismo en Cervo
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
