A primeira fase dos investimentos, que se comezarán neste mesmo ano, supoñen un investimento de máis de 41.000 euros que se enmarcan no Plan Deputación
Barreiros, 7 de maio de 2024. O Concello de Barreiros iniciou o procedemento de contratación das obras para a impermeabilización de 14 pozos de rexistro do saneamento municipal distribuídos ao longo de toda a rede.
A alcaldesa, Ana Ermida, sinalou que se trata “dunhas obras imprescindibles para comezar a poñer solucións aos problemas de saneamento existentes no municipio, tendo sempre en perspectiva a necesidade de dotar a Barreiros dunha nova estación depuradora.” Porén, a propia rexedora sinala que “despois de ter encargado unha auditoría sobre o estado da rede e sistemas de saneamento, detectouse que existe unha cantidade importante de augas limpas que se infiltran ao largo da rede e que afecta notablemente ao funcionamento das depuradoras”.
O concelleiro responsable de Medio Ambiente, Dámaso Ratoeira, sinalou a importancia de levar a cabo estes traballos para “lograr a máxima eficiencia posible nas infraestruturas de saneamento, aínda sendo conscientes de que mentres non contemos cun novo sistema os resultados non van ser óptimos, si que o persoal técnico sinalou que o rendemento das estacións e o seu funcionamento melloraría notablemente”.
Ana Ermida incide na importancia destas actuacións, “que nunca se levaron a cabo neste concello, por non ser as máis vistosas, pero que son fundamentais para actuar con responsabilidade na xestión dos servizos públicos e tratar de sacar a máxima eficiencia a uns investimentos realizados no seu momento e que, se non existe mantemento, acaban por converterse nun problema en lugar de dar verdadeiro servizo; como aconteceu con moitos dos servizos en Barreiros, derivado de anos de falta de atención aos mesmos”.
Durante este ano investiranse un total de 41.684,50 euros, dos que cerca de 20.000 euros se destinan ao selado e impermeabilización de 14 pozos que se atopan distribuídos nas parroquias de San Cosme e Benquerencia. Tamén está prevista unha segunda actuación de rehabilitación dun tramo de colector de saneamento no barrio das Carriceiras, en Santiago de Reinante, que ten unha incidencia moi importante sobre a EDAR de dita parroquia.
Para a impermeabilización dos pozos de rexistro, a tramitación como contrato menor iniciouse na Xunta de Goberno Local do 30 de abril, coa solicitude de ofertas a tres empresas especializadas en tales traballos: Saneamiento Avanzado, SL; Impervedra, SL e Canalis Soluciones Tecnológicas, SL. O prezo da licitación é de 16.450 euros máis IVE e o prazo para a presentación de ofertas é de dez días hábiles; polo que se prevé que a adxudicación poida quedar resolta neste mesmo mes.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
