Ribadeo, 9 de maio de 2024. Ribadeo conta xa co servizo de pediatría todos os días. Anunciouno o alcalde, Dani Vega, quen explicou: “dende o Concello estivemos buscando a solución e xestionando ante a Xunta de Galicia para que o servizo de pediatría fora de todos os días e dende logo conseguímolo”.
Pero o rexedor municipal manifestou tamén que “non é un tema para esquecer, é un asunto para ser constante e esixente e que se cubra calquera baixa ou vacación porque dende logo Ribadeo non pode perder ese servizo diario de pediatría. Sabemos da dificultade e que é moi complexo buscar un pediatra para cubrir unha baixa ou unha vacación porque non os hai”.
Dani Vega engadiu: “nestes días tivemos varias reunións coa Consellería e estivemos buscando solucións. Nestes momentos o servizo de pediatría en Ribadeo é de todos os días, pero estamos atentos e vixiantes e con esa relación constante entre administracións porque vai haber vacacións, seguramente que haberá baixas, e debemos ser esixentes para que a Xunta de Galicia comprenda: ten que ser consciente que dada a poboación de Ribadeo o servizo de pediatría ten que ser de todos os días”.
O alcalde de Ribadeo rematou comentando que é “un problema solucionado, pero o Concello non vai aparcar o tema senón que vai ser constante e esixente porque o servizo de pediatría en Ribadeo ten que estar todos os días dada a poboación e o número de familias que acoden ao pediatra. Polo tanto vamos estar traballando e todas as familias saben que teñen ao Concello ó seu servizo e se necesitan algo vamos seguir axudando e colaborando”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
