Foz, 18 de maio de 2024. O Concello de Foz vén de adxudicar á empresa CK SENIOR GESTION SL o contrato de concesión do servizo de residencia e centro de día por 9,3 millóns de euros. O contrato comprende cinco anos con posibilidade de dúas prórrogas de un ano cada unha.
A licitación saíu polo procedemento aberto de contratación e foi adxudicada a CK SENIOR GESTIÓN SL, que ofertou unha baixa do 2 por cento respecto aos prezos marcados no estudo de viabilidade económica. Así o prezo das prazas será de 2.012,92 euros para un residente con grado II ou III de dependencia e de 1.630,72 euros para un residente válido ou con grado I de dependencia. O novo concesionario asumirá previsiblemente a xestión o día 1 de xullo.
O alcalde de Foz, Fran Cajoto, agradece o traballo dos técnicos municipais e das empresas que posibilitaron resolver un contrato destas características. “Esta licitación non era a nosa primeira opción. Como goberno queríamos que o Consorcio Galego de Igualdade e Benestar -Xunta de Galicia- asumise a xestión da residencia, edificio da súa propiedade que ademais correspóndelle como competencia. Non foi posible por unha pinza do Partido Popular, unha chantaxe que nos obrigaba a botar fóra aos usuarios e aos traballadores da residencia. A falta de responsabilidade provocou un aumento de prezos aos residentes, esa é a realidade”, explica o rexedor municipal.
O alcalde quere mandar unha mensaxe positiva e de tranquilidade: “o Concello de Foz é garante do benestar dos usuarios. Aqueles residentes que teñan pensións inferiores aos prezos resultantes da adxudicación e que non dispoñan de patrimonio para afrontar os custes poderán recibir unha axuda de emerxencia social deste Concello. Non imos deixar a ninguén fóra, é o noso compromiso”. Un compromiso que agarda que teña o seu reflexo na Xunta de Galicia: “o novo convenio co Consorcio Galego de Igualdade e Benestar foi asinado o 19 de xaneiro do ano 2023. Nel a Xunta de Galicia comprométese a transmitirlle ao Concello de Foz a titularidade do edificio da residencia, pero despois de case ano e medio non temos ningunha noticia. Tampouco dunha achega que o xerente do Consorcio comprometeu diante de membros de todos os partidos da corporación municipal para arranxar deficiencias da construción do edificio. Precisamos máis prazas, necesitamos que se asuman competencias. Non queremos ser máis, pero tampouco menos que ninguén e imos esixir que cadaquén cumpra as súas obrigas e compromisos”.
Fran Cajoto anuncia que nos vindeiros días solicitará unha reunión coa Conselleira de Política Social e Igualdade, Fabiola García, para reclamar o cumprimento do convenio asinado polo Consorcio e para tratar outros temas de interese do Concello de Foz.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
