Nota de Prensa
O BURELA FS BUSCARÁ O PODIO EN CÁCERES
O Burela FS afronta a oitava xornada da Divisón de Prata na pista do Extremadura Cáceres 2016, na pelexa por reducir as distancias co podio dende a cuarta praza. O pavillón multiúsos Ciudad de Cáceres acollerá o encontro o domingo, a partir das 12.00 horas.
Dous vellos coñecidos do antigo Grupo Norte volverán verse as caras, cunha traxectoria ben dispar. Os pupilos de Suso Rey, que conseguiron ir asentándose na competición co paso das xornadas, están a 3 puntos do podio, por detrás do CD Puertollano (17), OPDE Ribera Navarra (18) e Colegios Arenas Gáldar (19). No lado oposto sitúase o Extremadura, vicepechancelas con 2 puntos; para os cacereños, que veñen de perder en Navarra (8-3), o mellor resultado ata o momento é o empate, logrado en Eivissa (3-3) e na casa ante o Zamora (1-1), na terceira e cuarta xornada respectivamente. No entanto, os estremeños asumirán a cita con moitas ganas, pola necesidade dos puntos, e máis aliviados fisicamente, xa que gozaron da xornada de descanso nesta intensísima semana.
Os mariñáns atoparán un cadro que, a pesar de apostar pola continuidade do proxecto da tempada pasada, conta con numerosas caras novas: o ala Bole, do Extremadura Delta Badajoz; os irmáns Cala, que en 2008-09 lograron o ascenso a Honra co Zamora; e o meta Juaki, do Alcalá de Guadaira; o ala-pivote Diegui, de El Ejido FS; ademais de Álvaro Pacheco e Sergio Salgado, do filial.
Adri Gaona, que xa se puido incorporar aos adestramentos onte, volverá vestir a camiseta laranxa para medirse ao que foi o seu equipo en 2009-10. Non obstante, esta non será a única novidade no vestiario burelista, que terá que saltar á pista cacereña sen Minu e sen Suso Rey. Tras as expulsións ante ElPozo do martes pasado, o xuíz de competición da RFEF resolveu sancionar o xogador cordobés cun partido de suspensión, por “interromper un lance de xogo”, e o técnico mariñán con dous por “protestar iradamente unha decisión arbitral”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
