Nota de Prensa
A Deputación pon en marcha as primeiras bolsas medioambientais da provincia para xóvenes titulados
– Esta iniciativa, dotada con 270.000 euros e incluída dentro do Lug02 co que o organismo provincial demostrou que o medio ambiente é a oportunidade económica de Lugo, permite aumentar as posibilidades de inserción laboral destes mozos
– Os 18 beneficiarios poderán realizar prácticas durante 4 meses en empresas de sete países europeos e 8 en organismos do ámbito de actuación do programa
– A Deputación e a Unión Europea faranse cargo de todos os gastos da estancia no estranxeiro e para as prácticas na provincia os participantes recibirán 1.000 euros mensuais
– Os interesados poderán realizar a súa inscrición dende o 17de outubro ata o 2 de novembro, chamando ó 982 26 00 46 ou na web da Deputación
O Presidente da Deputación, José Ramón Gómez Besteiro, presentou este vernes as primeiras bolsas medioambientais da provincia para xóvenes titulados lugueses dentro do programa europeo Lug02, dotado con 5 millóns de euros e destinado a impulsar a economía da provincia e a poñer en valor as Reservas da Biosfera e da comarca do Courel. En total, son 18 bolsas para realizar durante 4 meses prácticas nos 7 países europeos con máis proxección e nos que a posibilidade de adquirir novos coñecementos que poidan aplicar na provincia é maior -Reino Unido, Italia, República Checa, Portugal, Alemania e Austria-, que se completarán con 8 meses en empresas ou organismos do ámbito do programa europeo.
Neste senso, Gómez Besteiro subliñou que “o novo desenvolvemento da Deputación aséntase en catro patas fundamentais: facer da cooperación cos Concellos a nosa verdadeira forma de facer política, impulsar as novas tecnoloxías como arma de futuro para esta provincia, a aposta polo emprego e, catro, a aposta polo medio ambiente como a verdadeira forza matriz desta provincia”. A este respecto, o titular provincial destacou que “a ampla amalgama da riqueza medioambiental é a que agora nos leva ó aspecto formativo, á preparación e ó intercambio de experiencias dos nosos xóvenes titulados nun Campus como o de Lugo, onde se ten moita relación co medio rural”.
Creación de emprego
Esta liña de actuación, que ten un orzamento de 270.000 euros, permitirá aumentar as posibilidades de inserción laboral dos xóvenes titulados. Primeiro aplicarán como bolseiros os coñecementos adquiridos en empresas orientadas ó medio ambiente e ó turismo, pero logo poderán continuar a súa carreira como emprendedores. O máximo mandatario provincial destacou que “Galicia é unha das comunidades autónomas nos que máis incrementou o paro este ano. Na Deputación de Lugo arrancamos hoxe cunha nova medida para crear novos postos de traballo, ó igual que o fixemos co ambicioso programa formativo do Pacto Provincial polo Emprego, hoxe remata o prazo para inscribirse-, e que insertará laboralmente a máis de 500 desempregados da provincia nas profesións con máis futuro; ou co Centro de Innovación Social, esta semana foron os exames ós que se presentaron 400 persoas”.
A este respecto, sinalou que “fronte á Xunta de Galicia que recorta en educación e innovación, todo o contrario do que están a facer os países máis avanzados, poñemos en marcha esta iniciativa que nos permitirá ser máis competitivos”.
Custe 0 para os participantes
Os participantes teñen que estar empadroados nalgún dos Concellos da provincia e dispoñer dunha titulación académica relacionada cos fins do programa medioambiental, obtida durante os anos 2007, 2008, 2009 ou 2010. . É dicir, as enxeñerías medioambientais, agropecuarias e industrias agroalimentarias, as licenciaturas de Ciencias e turismo, etc.
Tendo en conta que para algúns participantes o desprazamento pode supoñerlles un problema económico, a Deputación faise cargo dos custes da viaxe de ida e volta, do aloxamento, manutención e dos gastos dos organismos de acollida na cidade de destino. Na estancia nas empresas asesentadas nas Reservas recibirán 1.000 euros mensuais.
Mañá sairá publicada a convocatoria no Boletín Oficial da Provincia (BOP), polo que o prazo de inscrición comezará a contar dende o domingo 17 e manterase aberto ata o 2 de novembro. Os interesados poderán obter máis información, chamando ó número de teléfono 982 26 00 46, na web da Deputación ou no enderezo electrónico: lugo2@deputacionlugo.org.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
