Paloma Castro denuncia medidas de “greenwashing” ou “ecopostureo” e esixe “máis orzamento, recursos propios e unha planificación global e mantida no tempo que non se está a facer”
Santiago de Compostela, 12 de xuño de 2024. A portavoz de Medio Ambiente do Grupo Socialista, Paloma Castro, acusou á Xunta de realizar políticas de “greenwashing” ou “ecopostureo”: aparentar que toman medidas medioambientais. A responsable socialista presentou unha pregunta oral no Pleno do Parlamento de hoxe na que criticou que 6 meses despois da crise dos pélets non teñan tomado medidas decididas para a retirada do lixo mariño.
Castro criticou que non teñan aprendido nada da invasión da costa galega de boliñas de plástico logo do accidente dun cargueiro fronte ás costas de Portugal o pasado mes de decembro, cando amosaron unha “nefasta xestión” por parte da Xunta, que “no canto de actuar preferiu confrontar”. A raíz daquela crise quedou demostrada a inxente cantidade de plásticos que chegan ás costas galegas, xa que nunha sola semana recolleron 2.476 quilos de pélets e 5.478 de outros plásticos.
A parlamentaria socialista lembroulle á conselleira de Medio Ambiente que ten que cumprir coas medidas establecidas no informe da Comisión de Medio Ambiente aprobado o 25 de marzo de 2021 para reducir os residuos mariños”. Este informe recomenda tomar plans e marcos de actuación propios ademais de colaborar nos proxectos europeos, mentres a iniciativa do goberno galego limítase a “accións illadas ou colaboracións en proxectos privados ou da Universidade”.
Criticou que o goberno galego teña incumprido o acordo parlamentario aprobado en xuño de 2021 para crear unha partida específica para a recollida e recuperación de residuos mariños, desenvolver campañas de información e sensibilización, elaborar un Plan específico de reciclaxe e realizar unha avaliación anual das características e tipos de residuos recollidos para tomar medidas preventivas.
Advertiu que as previsións estiman que no ano 2025 os océanos teñan unha tonelada de plástico por cada 3 toneladas de peixe, e que en 2050 a cantidade de residuos sexa maior que a de peixe, polo que alertou da urxencia de desenvolver estratexias para reducir o uso de plásticos e artellar a súa retirada dos océanos. Criticou que as actuacións do PP e do goberno galego vaian no sentido contrario, ao negarse a incluír na Lei de Residuos medidas contra o uso de plásticos dun só uso.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
