Na xornada previa realizaranse charlas divulgativas sobre a organización de actividades ao aire libre no Xistral
Muras, 19 de xuño de 2024. Muras acollerá o domingo 7 de xullo a sétima edición do Trail das Bestas, que este ano se estrea como Campionato Galego de Maratón e que ofrecerá tres modalidades de participación -42km, 27km e 12 km– e unha andaina, tamén de 12km.
O vicepresidente da Deputación de Lugo Efrén Castro, o alcalde de Muras Manuel Requeixo e a tenente de alcalde Paula Gómez presentaron esta tarde a proba organizada polo Concello oa colaboración da Deputación de Lugo -a través do Plan Deputación – e na que se agarda a participación de 300 deportistas.
A Serra do Xistral e as ribeiras do Eume son o escenario desta carreira de montaña, con percorridos deseñados para poñer en valor ese espazo natural emblemático, especialmente nas probas de distancias menores. Considerada xa unha referencia no calendario galego, reforza o súa dimensión competitiva tanto en maratón como nas probas de 27 km e 12km, que puntuarán para as distancias clásica e minitrail.
Manuel Requeijo destacou que “o Trail das Bestas converterá Muras na capital galega do deporte de montaña” e valorou “a continúa evolución da proba ao longo dos anos, ata converterse nun referente para os mellores deportistas da modalidade e un dos mellores escaparates posibles para o patrimonio natural de Muras, que tratamos de revalorizar con todas as actividades deportivas, culturais ou lúdicas que promovemos desde o concello”. Subliñou tamén “a repercusión que ten na hostelería e na economía local o movemento de persoas arredor do trail”.
Efrén Castro valorou “esta proba que se celebra nun escenario único como é a Serra do Xistral e que xa é toda unha referencia no calendario galego” e celebrou “o éxito destas iniciativas que poñen o foco tamén no territorio e dinamizan os concellos da provincia de Lugo”.
O coordinador da proba Pablo López animou a participar e sinalou que “ o recoñecemento como Campionato Galego de Trail Maratón permitirá que veña máis xente , ademais de que é moi especial que os mellores atletas galegos desta disciplina estean en Muras e os poidamos ver”.
O punto de saída e chegada da proba estará na área recreativa da Veiga, que contará con todos os servizos para as persoas participantes e acompañantes, con espazo dispoñible para aparcamento de turismos e caravanas, duchas e piscina. As inscricións poden realizarse en traildasbestas.com.
Charlas divulgativas
O programa do Trail das Bestas inclúe tamén charlas divulgativas sobre as oportunidades que ofrecer o Xistral para a organizacion de actividades ao aire libre, a cargo de Inma Pumariño, acreditada deportista de montaña, espeleoloxía, barranquismo e kaiak e Pablo López, corredor de aventura, orientación, btt e organizador de probas deportivas. As charlas celebraranse no local social do Concello na xornada previa -o 6 de xullo – de 18.00 a 20.00 horas
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
