As mariñás superan con decisión ao Futsi no seu territorio nun partido moi intenso ante un duro rival que non conseguíu levarse o título na casa
Sábado 22 de xuño. O conxunto feminino do Pescados Rubén Burela disputou ás 12.00h desta mañá o partido da final dos Playoff polo Título de 1ª División Iberdrola FS ante o seu eterno rival, o Futsi Atlético Navalcarnero, cun resultado final 2-4. Tras perder o primeiro punto en Vista Alegre o sábado pasado na quenda de penaltis, as nosas Pícaras foron a Madrid co claro obxectivo de forzar ese terceiro partido que lles daría a oportunidade de continuar pelexando polo título de liga, e así o fixeron.
Primeiros minutos sen tiros a porta ata o minuto 6 no que Laura Córdoba róubaa preto da área e dispara atopándose por primeira vez con Caridad, segundos despois téntao Patricia en portería rival aproveitando un rexeite dun tiro ao pau de Cami. No minuto 9 chega o 0-1 cun remate da nosa Máquina Emilly a pase de Dany e un minuto despois Sergio Bretón pide tempo morto tentando empatar o partido. No minuto 11 paradón de Caridad a disparo de Ari dende a banda. Continúa o partido, bastante parello con lixeira superioridade do conxunto visitante. No 14 Irene Samper a tira ao pau desde a banda. Continúa a igualdade, con moito xogo de balón e poucos tiros a portas e no minuto 17 tempo morto pedido por Julio Delgado. Disparo afastado de Emilly que case se converte no segundo, de non ser pola intervención de Becha, a dous minutos do descanso. Outro paradón de Caridad a un disparo dende a área de María Sanz case ao bordo da liña de fondo. Continúa presionando o Futsi ata o descanso buscando o empate sen conseguilo.
Na segunda parte sae Marta Balbuena a portería e comeza xa sacando co pé un disparo afastado de Irene Samper. Paradón incrible de Caridad a un remate de Irene Córdoba a centro da súa irmá. Presionan a locais durante esta segunda parte ata que chega o empate nun saque de banda que remata Becha ao segundo pau. Disparo de Laura Córdoba no 29 que detén Caridad. Rozando o pau vaise un tiro ao segundo pau e dobre paradón de Balbuena segundos despois, no 33 a un disparo afastado ben definido de Emilly e posteriormente a un remate de Irene Samper tras un saque de banda. Salvaa Irene Samper baixo paus no minuto 35 e continúa tentándoo o Futsi. Salvaa Caridad unha vez máis no 37 a un disparo raso potentísimo de Laura Córdoba tras un roubo. Saca Sergio Bretón a María Sanz de porteira-xogadora buscando o empate e outra vez a salva Caridad sacándoa a córner. E chega o minuto 39, minuto no que se suceden os goles comezando co 1-3 de Noelia Montoro a portería baleira e continuando co 1-4 de Irene Samper que lla coa á porteira polo primeiro pau cun disparo case desde a frontal da área. A uns segundos do toque de bucina Ari consegue recortar o resultado final 2-4 sen tempo para remontar ese punto que lles levaría á vitoria.
Un Pescados Rubén Burela FS famento conseguiu forzar ese terceiro partido que se celebrará o vindeiro mércores ás 20.30h en Vista Alegre, partido decisivo no que se decidirá o equipo campión de Liga desta tempada 23/24, Liga que esperemos que sexa, por sexta vez, laranxa.
Ficha Técnica Pescados Rubén Burela FS 2-4 Futsi Atlético Navalcarnero
Futsi Atlético Navalcarnero (2): Bea Parrón; Irene Córdoba, Lora, María Sanz, Laura Córdoba -quinteto inicial-, Ju Delgado, Anita Luján, Ari, Becha, Luchi; Marta Balbuena (P)
Pescados Rubén Burela FS (4): Caridad; Dany, Cami, Antía Pérez, Irene Samper -quinteto inicial-, Patricia, Noelia Montoro, Emilly, Rafinha, Cilene; Ana Eliza.
Goles: 0-1, min.9; Emilly. 1-1, min.27: Becha. 1-2, min.34: Patricia. 1-3, min.39: Noelia Montoro. 1-4, min.39: Irene Samper. 2-4, min.39: Ari.
Árbitros: Manuel Jesús Barrilero, Carlos Enrique Bustos, Luis Manuel Manso, Ana Sánchez.
TA: Patricia, Marta Balbuena.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
