As actuacións, con cargo ao Plan Único de Cooperación cos Concellos da Deputación de Lugo, incluíron o aglomerado asfáltico de 400 metros de firme
Vilalba, 3 de xullo de 2024. O Concello de Vilalba rematou no día de onte os traballos de rexeneración do firme das rúas que rodean a Praza da Constitución e da rúa da Emigración ata a súa intersección coa rúa Luis González Valdesuso.
En concreto, as travesías rexeneradas foron a rúa que une a Praza Suso Gayoso coa rúa José María Ledo Chao, un tramo da estrada que conecta a rúa José María Ledo Chao coa rúa da Emigración, o tramo da rúa Novo Cazón posterior á saída dos aparcadoiros subterráneos e, finalmente, a totalidade da rúa da Emigración ata a súa intersección coa rúa Luís González Valdesuso.
En total, os traballos incluíron o aglomerado asfáltico de arredor de 400 metros de firme ao que antecedeu o levantamento e pulido do firme existente que se atopaba nun notable estado de deterioro.
“O obxectivo é sempre mellorar as infraestruturas públicas e a vida diaria dos veciños e veciñas” sinalou a alcaldesa, Marta Rouco, que ademais lembrou “outras actuacións incluídas no Plan Único con esa finalidade como a rexeneración da travesía que une a Avenida da Terra Chá coa Rúa Mondoñedo, o pintado de varias rúas no casco urbano, e o subministro de luminarias solares”.
Pola súa banda, o concelleiro de Infraestruturas Urbanas, Luis Fernández, asegurou que “a previsión é rematar por completo os traballos nas vindeiras semanas co pintado e a sinalización horizontal de todas as rúas que foron rexeneradas nesta última actuación”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
