Deportes destina 100.000 euros a esta convocatoria, que amosa o alto rendemento en modalidades como atletismo, piraguismo, taekwondo ou triatlón
Lugo, 22 de xullo de 2024. O Boletín Oficial da Provincial publicou a resolución provisional dos premios a deportistas individuais da Vicepresidencia da Deputación de Lugo, cun investimento total de 100.000 euros.
230 deportistas figuran na resolución provisional das bolsas, que oscilan entre os 300 e os 2.500 euros e que teñen como obxectivo apoiar a mellora e perfeccionamento de deportistas de modalidades individuais, ata os 35 anos.
Na avaliación das solicitudes, valóranse os resultados deportivos acadados en probas e campionatos na respectivas categorías -desde campionatos mundiais e europeos ata galegos e provinciais – ao longo de 2023, dacordo cos baremos establecidos nas bases.
A triatleta lucense Noelia Rey, terceira no campionato do mundo de triatlón na súa categoría, e o piragüista lucense Nicolás Martínez, oitavo no campionato de europeo e campión español de paracanoe, recibirían, dacordo con esta resolucion provisional, as maiores contías (2.500 euros), xunto a Adrián Ben, cuarto no campionato do Mundo de Budapest, e ao palista lucense Ramón Fernández, campión de España de paracanoe (2.000 euros).
O piragüista ribadense Nicolás Gayol, sexto no campionato do mundo e prata no campionato estatal, a atleta do Saviñao Nuria López, tricampioa de España – 100 metros, lanzamento de xavelina e lanzamento de peso – sitúanse tamén nos primeiros chanzos (1.500), seguidos da atleta Xela Martínez, campioa de España, Laura Álvarez, Marco García e Carlos Rey, taekwondistas do Neka de Monforte, que lograron podios europeos e estatais nas súas respectivas categorías, as piragüistas Noa Díaz, Enma Devesa e Marcos González, con notorias participacións en mundiais e ouro en campionatos españois, o triatleta Esteban Basanta, sexto en Europa e campión estatal, a especialista en orientación Sofía Martínez, cuarta no campionato europeo e campioa de España ou o nadador Mauro Rodríguez, campión de España e galego (1.000 euros).
O vicepresidente da Deputación de Lugo Efrén Castro destacou “o alto rendemento das e dos deportistas que se presentaron á convocatoria, que recibiu un número de solicitudes récord” e explicou que “estes premios tratan de recoñecer o esforzo e dedicación que supón a competición deportiva e colaborar nuns gastos que atenden fundamentalmente as familias, desde licenzas ou inscricións en competicións ata transporte ou material deportivo” . O responsable provincial lembrou que “se reservan un 7 por cento das bolsas para deporte adaptado, reforzando o potencial inclusivo do deporte”.
A resolución – publicada no Boletín Oficial da Provincia o sábado 22 de xullo – establece un prazo de alegacións de dez días hábiles, ata o 5 de agosto.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
