A DXT informaba que 76 condutores foron detectados entre 2017 e 2021 desprazándose en sentido contrario neste tramo, aos que habería que engadir os sancionados por circular polo tramo pechado ao tráfico
Lugo, 8 de agosto de 2024. O senador mariñán José Manuel Balseiro vén de rexistrar unha iniciativa na Cámara alta, xunto aos seus compañeiros do Partido Popular lucense -José Manuel Barreiro e Juan Serrano-, interesándose pola sentenza que cuestiona as multas que a Dirección Xeral de Tráfico (DXT) impuxo aos condutores que circulan pola autovía A-8, en concreto, no polémico tramo do alto do Fiouco.
A Xustiza conclúe nunha sentenza do Xulgado do Penal nº1 de Lugo que esta sinalización do sistema de desvío automático en condicións desfavorables de néboa “é confusa e leva aos automobilistas para cometer erros frecuentes” e por esa razón anulou algunha das sancións efectuadas.
Segundo os datos da propia DXT ata 76 condutores foron detectados entre 2017 e 2021 desprazándose en sentido contrario neste tramo, aos que habería que engadir os sancionados por circular polo tramo pechado ao tráfico desde a implantación dese desvío automático -en decembro de 2016– ata os nosos días.
Balseiro quere saber que medidas pensa adoptar o Goberno de España despois de coñecerse esta resolución xudicial, se prevé mellorar unha sinalización que a Xustiza cualifica de “confusa” e de “xerar erros” nos condutores e quere saber o número total de sancións efectuadas ata a data.
O senador popular lembra que o polémico paso polo alto do Fiouco tamén está sometido a un radar de tramo, en ambas direccións, na actualidade limitado a 100 quilómetros por hora, cando non hai unha restrición maior por razóns de néboa ou vento. Trátase dun dos radares que máis multa da rede viaria estatal da provincia e quere saber se o cuestionamento xudicial tamén afecta a este tipo de sancións relacionadas coa velocidade.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
