Ameijide afea a política do goberno provincial en materia de emerxencias e extinción de incendios lembrando que “Tomé negou aos deputados populares a entrada aos parques comarcais de bombeiros contradicindo as indicacións da Valedora do Pobo que nunha resolución do 15 de marzo deste ano explica que non é necesario facer unha solicitude, senón unha sinxela comunicación previa, tal e como formulamos formalmente”
Lugo, 8 de agosto de 2024. O voceiro do Partido Popular, Antonio Ameijide, recórdalle ao goberno provincial de PSOE e BNG que “o servizo de prevención e extinción de incendios en concellos de menos de 20.000 habitantes -na provincia de Lugo, todos menos a capital- é competencia da Deputación Provincial, segundo a Lei de Bases de Réxime Local1”.
É por iso polo que o popular pide “máis implicación” ao goberno provincial cos Grupos de Emerxencia Supramunicipal (GES) da provincia que, na actualidade, ascenden a seis con sede nos municipios de Cervo, Friol-Palas, Monterroso, A Pontenova, Quiroga e Folgoso do Courel. “É máis, debería prestar o servizo directamente, non só contribuír co financiamento do seus gastos”, engade.
Ameijide subliña que “a Xunta de Galicia, a pesar de non ser competencia propia -xa que é dos Concellos e Deputación- achega o 52,5% dos gastos de funcionamento dos GES da provincia -ademais de dotalos de material- fronte ao 40% que aporta a Deputación de Lugo”. Así, “é clara a implicación do Goberno galego cos GES ao asumir más da metade do custo anual dos GES a pesar de tratarse dunha competencia local”.
Os Grupos de Emerxencia Supramunicipal “son especialmente necesarios en época de verán” segundo indica Ameijide porque “non só se eleva o risco de incendios, senón que tamén se incrementan outro tipo de riscos de emerxencias, accidentes, aglomeracións… debido ao turismo e ao retorno de moitos veciños de Lugo que volven a pasar o verán aos seus municipios de orixe”.
O portavoz provincial, recoñeceu en nome dos deputados do PP, “o importante labor en materia de emerxencias, protección civil y prevención de incendios forestais por parte dos GES que, ademais, teñen competencia para intervir en incendios, coma o que se rexistrou onte nunha vivenda unifamiliar en Friol”.
Nese sentido, pídenlle tamén ao goberno de PSOE e BNG “implicación para garantir o servizo nos municipios da Montaña que na actualidade carecen de servizo en materia de emerxencias e prevención de incendios”. Nese sentido, incide en que “non só se trata de pagar, senón que hai que impulsalos onde non os hai”.
PARQUES COMARCAIS DE BOMBEIROS
Antonio Ameijide afea a política do goberno provincial en materia de emerxencias e extinción de incendios lembrando tamén que “os deputados do Grupo Provincial Popular queremos comprobar a situación dos parques comarcais de bombeiros; pero o presidente da Deputación, José Tomé, néganos a entrada”.
Así o fixo cando o pasado mes de xuño os deputados populares se achegan ao parque de Monforte, despois dunha comunicación previa dirixida formalmente ao presidente, pero “no momento da visita dixéronnos que non nos podían deixar pasar por orde directa da presidencia da Deputación. Esta decisión contradí o indicado pola Valedora do Pobo nunha resolución do 15 de marzo deste ano na que indicaba que non é necesario que os deputados populares solicitasen permiso, senón unha sinxela comunicación, tal e como fixemos”, subliña.
LEI DE BASES DO RÉXIME LOCAL
A Lei 7/1985, de 2 de abril, Reguladora das Bases do Réxime Local establece no artigo 36.1 c) que é competencia propia da Deputación Provincial a prestación de servizos públicos de carácter supramunicipal e, no seu caso, supracomarcal e o fomento ou, no seu caso, coordinación da prestación unificada de servizos dos municipios do seu respectivo ámbito territorial. En particular, asumirá a prestación dos servizos de tratamento de residuos nos municipios de menos de 5.000 habitantes, e de prevención e extinción de incendios nos de menos de 20.000 habitantes, cando estes non procedan á súa prestación.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
