Os populares esixen a PSOE e BNG que cumpran coas súas obrigas á fronte da Deputación e poñan a disposición de todos os municipios os medios necesarios para mellorar a xestión do ciclo da auga xa que “o abastecemento de auga é un dos problemas aos que se teñen que enfrontar os concellos no día a día”
Lugo, 30 de agosto de 2024. Hai uns días que ven de resolverse o segundo PERTE da auga e, como no primeiro, nin PSOE nin BNG á fronte da Deputación de Lugo fixeron os deberes “e non coordinaron nin prestaron ningún tipo de axuda á solicitude destas axudas”.
O voceiro provincial popular, Antonio Ameijide, recorda que o PERTE da auga son uns fondos europeos que o Ministerio pon a disposición dos entes locais para mellorar o abastecemento de auga potable e o saneamento nos seus municipios.
Dende a Deputación de Lugo, como ocorreu na primeira convocatoria, tanto PSOE como BNG negáronse a liderar proxectos para os concellos da provincia como tampouco apoiaron a ningún dos 11 municipios lucenses que optaron a estas axudas: “PSOE e BNG nin están nin se lles espera”.
A realidade é que José Tomé “debe de dar exemplo” e “poñer a disposición de todos os municipios” os medios técnicos, económicos e humanos necesarios para poder mellorar o ciclo da auga en cada concello.
Un dos 11 municipios que se presentou ao segundo PERTE da auga foi Monforte, onde é alcalde o presidente da Deputación, pero quedou fóra destas axudas. “Seguramente se a Deputación de Lugo coordinase unha acción conxunta, como si fixeron Ourense e Pontevedra, seguramente o resultado tería sido totalmente positivo”, sinalou.
Un exemplo que Ameijide pon sobre a mesa tras analizar a situación do ciclo da auga de Monforte xunto aos concelleiros do PP nese municipio, Katy Varela e José Luis Rodríguez.
Os tres coinciden na necesidade de “dar un cambio á xestión do ciclo da auga en Monforte” xa que “practicamente cada semana se producen rebentóns na rede que deixan sen servizo durante días aos veciños das rúas afectadas”.
Os populares ven positiva a posible creación dun Plan Provincial de apoio aos concellos para a xestión do ciclo da auga xa que o abastecemento de auga é un dos problemas aos que se teñen que enfrontar todos os municipios, sendo competencia da Deputación cooperar cos concellos para garantir os servizos de competencia exclusiva municipal. “Cooperar cos Concellos é beneficiar a tódolos lucenses garantindo o abastecemento de auga de calidade e o correcto tratamento de augas residuais”, explicaron.
A escaseza de auga, a renovación e modernización das infraestruturas hidráulicas ou as esixencias normativas en materia de control de calidade e en relación á xestión das augas residuais son algúns dos aspectos que deben atender dende os Concellos e que requiren importantes recursos técnicos e económicos.
De feito, segundo o artigo 36.1 da Lei Reguladora das Bases do Réxime Local é competencia propia da Deputación coordinar servizos municipais para garantir a prestación integral e na totalidade do territorio provincial os servizos de competencia municipal e a asistencia e cooperación xurídica, económica e técnica aos municipios, especialmente os de menor capacidade económica e de xestión. E, de forma máis concreta, o artigo 26.2.b) sinala que nos municipios con poboación inferior a 20.000 habitantes será a Deputación Provincial a que coordinará os servizos de abastecemento de auga potable a domicilio e evacuación e tratamento de augas residuais.
Neste senso, Antonio Ameijide recorda como no pleno de xullo tanto José Tomé, como PSOE e BNG votaron en contra de que a Deputación puxese en marcha un plan de apoio aos municipios para mellorar a xestión do ciclo da auga no que se debería de incluír asesoramento técnico, coordinación para impulsar de forma conxunta – naqueles casos que así o desexen – proxectos para presentar ás convocatorias de axudas para a mellora do ciclo da auga, apoio económico a tódolos municipios para investimentos en obras destinadas ao abastecemento, saneamento e mellora do ciclo da auga cunha partida nos orzamentos da Deputación de Lugo de, polo menos, 3 millóns de euros ao ano e unha mesa de coordinación integrada por persoal técnico, representantes dos distintos grupos da corporación provincial e os alcaldes ou representantes municipais en quen deleguen.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
