Os populares aclaran que “os vilalbeses teremos que pagar unha taxa máis grazas ao Goberno de Sánchez e facer fronte a un incremento na taxa municipal grazas ao goberno bipartito presidido por Marta Rouco”
Vilalba, 6 de setembro de 2024. Os concelleiros do PP de Vilalba condenan a “hipocrisía” da alcaldesa do municipio, Marta Rouco: “agora está preocupada pola suba da taxa, pero en xuño deste mesmo ano deulle igual subir o custo do servizo de recollida do lixo e limpeza viaria de Vilalba”. Daquela os grupos do goberno (PSOE e Vilalba Aberta) co apoio do BNG aprobaban a adxudicación do contrato -que levaba máis de 4 anos caducado- que suporá pasar de gastar 600.000€ aos 1,5M€ no 2025 e ata os 2M€ no 2035. É dicir, “estiveron de acordo en triplicar o custo do servizo”.
Os concelleiros populares esixen á alcaldesa que “conte a verdade aos veciños” e que “non trate de escusarse coa taxa de Sogama” porque esa subida se debe ás decisións unilaterais do Goberno de Pedro Sánchez que implantou impostos estatais sobre vertido e incineración ou o de produción de enerxía. Incluso, no último ano e medio Sogama asumiu en solitario, e sen repercutilo aos Concellos, un sobrecusto de 39 €/Tm na xestión dos residuos polo impacto destes impostos.
Os populares aclaran que “os vilalbeses teremos que pagar unha taxa máis grazas ao Goberno de Pedro Sánchez e facer fronte a un incremento na taxa municipal grazas ao goberno bipartito presidido por Marta Rouco. As políticas socialistas, tanto en Madrid como en Vilalba, danan a economía do municipio e, en concreto, a economía de cada familia”, sentenciaron.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
