Lugo, 16 de setembro de 2024. A área de Rural da Vicepresidencia da Deputación de Lugo reforzará a colaboración con Asoporcel para colaborar no financiamento das iniciativas de promoción do consumo de carne desta raza autóctona que a asociación de criadores desenvolverá coincidindo co 25 aniversario dentro da campaña “25 anos coidando da raza”.
O deputado Daniel García mantivo un encontro de traballo con representantes da entidade, na que se acordou unha colaboración excepcional de 12.000 euros e na que se puxo en relevo o traballo desenvolvido pola entidade na recuperación da raza e na promoción dos seus produtos nas feiras e mercados de proximidade como un referente de calidade.
O responsable provincial sinalou que “a viabilidade económica das granxas depende fundamentalmente da demanda do produto polo que coincidimos con Asoporcel en que unha das mellores maneiras de apoiar ás criadoras e criadores é poñer en valor as calidades gastronómicas da súa carne”.
A colaboracion afonda no apoio que a área de Rural prestou as degustacións na Praza de Abastos de Lugo e noutras feiras e mercados de proximidade da provincia nos últimos meses. Súmase á participación de criadores e criadoras no catálogo da oferta formativa de educación infantil e primaria Da Escola á Granxa e no programa de axudas a investimentos de gandería extensiva O que non arde
25 anos de Asoporcel
A Asociación de Criadores da Raza Porcina Celta creouse en 1999 para canalizar as labores de recuperación e conservación desta raza autóctona que comezaran coa creación dun banco de animais vivos en Triacastela, onde se localizaran algúns dos últimos exemplares.
A entidade encárgase da xestión do libro xenealóxico e do programa de cría da raza, así como da certificacion e verificación da trazabililade dos produtos comercializados co selo 100% Raza Autoctona Porco Celta, que dinamiza con diferentes accións de promoción.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
