Nota de Prensa
Trátanse de vías en mal estado ou cunha capa de rodaxe moi deteriorada polo paso do tempo e o deficiente mantemento
CERVO RECLAMA Á DEPUTACIÓN O ARRANXO URXENTE DE VARIAS ESTRADAS PROVINCIAIS
* O Grupo de Goberno municipal urxe a necesidade de amañar a estrada costeira, entre San Ciprián e Burela, a vía que une a N-642 e Cuiña e a estrada desde O Paraño a Figueirido.
Cervo, 26 de outubro de 2010.- O Grupo de Goberno municipal de Cervo reclama á Deputación o arranxo urxente de varias estradas de titularidade provincial que neste momento presentan un mal estado ou unha capa de rodaxe moi deteriorada, todo iso, como consecuencia do paso do tempo e do deficiente mantemento por parte dos servizos dependentes da Deputación.
Con este obxecto remitiron varios requirimentos ao Executivo provincial no que describen as estradas que precisan unha urxente reparación: Inclúe a vía costeira que une San Ciprián con Burela –un dos espazos máis transitados, de xeito especial, pola beleza do seu paisaxe e porque se trata do itinerario máis curto entre ambas poboacións- a estrada que une a nacional N-642 coa poboación de Cuiña –reclamación que tamén comparten os veciños de Cuiña e Rueta- e a vía desde O Paraño a Figueirido.
O Goberno municipal considera que a Deputación non pode adiar o arranxo destas vías tendo en conta o seu mal estado e o risco que implica para os automobilistas e usuarios das mesmas a presenza de fochancas e asfalto deteriorado en moitos dos seus tramos. Ademais, dado que está próximo o inverno, e os meses nos que as condicións climatolóxicas son máis adversas, moi probablemente este tipo de deficiencias poden empeorar.
O Concello de Cervo lembra que a Deputación non pode “facer oídos xordos” a estas peticións xa que ten a obriga legal de acometer estes arranxos por tratarse todas elas de vías de titularidade provincial.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
