Nota de Prensa
O PLENO DA DEPUTACIÓN DE LUGO DEBATIU SOBRE O SISTEMA DE IDENTIFICACIÓN DO GANDO ANTE UN GRUPO DE VETERINARIOS IDENTIFICADORES
A proposta de mantemento do actual sistema de identificación e rexistro nas explotacións gandeiras aprobouse a pesar dos votos en contra do PP e da abstención do deputado M. Varela
Antonio Veiga, voceiro do BNG, manifestou que “sería lamentable que se puxera en xogo a seguridade alimentaria ao cambiar un sistema de control que levou tanto tempo poñer en marcha e que é modélico no estado español”
Lugo, 26 de outubro de 2010. O voceiro do BNG na Deputación de Lugo, Antonio Veiga, defendeu ante o pleno provincial un acordo do goberno no que se instará ao goberno da Xunta de Galiza a manter o sistema de identificación, rexistro e control das explotacións gandeiras coas garantías e nas condicións nas que se ven desenvolvendo este servizo público. Esta proposta foi aprobada cos votos a favor do equipo de goberno (PSOE-BNG), os votos en contra do PP e a abstención do deputado M. Varela.
Veiga lamentou que o voceiro dos populares neste asunto fose un concelleiro procedente de Burela un dos poucos concellos galegos que non ten rexistrada ningunha cabeza de gando vacún.
O voceiro do BNG pediu “garantías para a cabana gandeira galega e para os consumidores, para que non nos sorprendan noticias como as que sorprenderon ao partido popular cando gobernaba Manuel Fraga con algo que non apettece lembrar e que motivou a implantanción deste sistema” para Veiga o cambio de sistema suporá “un claro retroceso no eido da sanidade animal en Galiza o que pode levar á perda da garantía sanitaria e a gran vantaxe competitiva que tiña o produto galego de calidade, que era unha seguridade absoluta na súa trazabilidade”.
O sistema actual de identificación e rexistro, que se puxera en marcha en plena crise das vacas tolas, está recoñecido por todos os axentes do sector como unha das mellores garantías da sanidade animal e en consecuencia de seguridade da cadea alimentaria humana. O 90 % dos animais comisados nos matadoiros proveñen de comunidades autónomas nas que non existe un sistema de control de identificación eficaz como ata agora era o galego. Calqura situación de dúbida en canto ás garantías sanitarias podería provocar o afundimento do mercado de carne, por esto é tan importante garantir a calidade, trazabilidade e sanidade da carne que entra na cadea alimentaria.
Segundo os anuncios da Xunta de Galiza, os cambios implicarían o despedimento dos veterinarios encargados deste labor e suporían a supresión da visita dos veterinarios ás explotacións (só se achegarían para facer inspeccións periódicas) quedando a identificación, rexistro e anotacións dos animais no libro de explotación, unicamente a cargo dos gandeiros. De se confirmaren estes cambios, a maioría das xestións administrativas terían que facelas a través dunha “Oficina Agraria Virtual” da Xunta, vía internet ou no seu caso telefonicamente. Veiga lembrou as dificultades que a maioría das explotacións teñen para o acceso a internet e o custo de tempo que suporá para os gandeiros e gandeiras ter que asumir o traballo dos veternarios identificadores.
Este cambio no sistema e rexistro pode poñer tamén en perigo a percepción de moitas das axudas que as gandeirías galegas reciben da UE xa que a maior parte delas van ligadas, entre outras cousas, a unha correcta identificación e rexistro dos animais da explotación.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
