A conselleira de Medio Ambiente e Cambio Climático visitou a lagoa de Cospeito con alumnado do CPI Virxe do Monte con motivo do Día mundial das aves migratorias
Cospeito, 11 de outubro de 2024. A conselleira de Medio Ambiente e Cambio Climático, Ángeles Vázquez, avogou hoxe por concienciar aos máis novos sobre o coidado da natureza para garantir un bo estado de conservación dos hábitats e da biodiversidade.
Durante unha visita que realizou con alumnado do CPI Virxe do Monte á lagoa de Cospeito, con motivo do Día mundial das aves migratorias, que se celebra o día 12 de outubro, Ángeles Vázquez incidiu en que a mocidade pode converterse nun verdadeiro aliado, no presente e no futuro, para o coidado dos valores naturais, da flora e da fauna da Comunidade.
Nesa liña, a conselleira salientou a importancia de que os máis novos coñezan a riqueza do patrimonio natural galego e puxo como exemplo a lagoa de Cospeito, que é unha das zonas húmidas máis importantes da Comunidade tanto pola súa superficie (19 hectáreas) como polo gran número de especies de flora e fauna protexidas que alberga. Así, por exemplo, poden observarse máis de 150 especies de aves entre as que se atopan o lavanco real, a cerceta real, o mergullón pequeno, o rascón común e a galiñola.
Ademais, segundo indicou Ángeles Vázquez entre os meses de outubro e marzo é cando se pode observar a maior cantidade de fauna na lagoa coa chegada de aves procedentes do norte de Europa, como a avefría.
De feito, para garantir a preservación deste espazo natural, que está declarado Zona de Especial Protección (ZEC) dentro da Rede Natura 2000, a Xunta levou a cabo a restauración ecolóxica do humidal no marco do Proxecto Mil Ríos. A actuación, que supuxo un investimento de preto de 450.000 euros, completouse o pasado mes de decembro e consistiu, entre outras cuestións, na recuperación do bosque de ribeira, coa retirada de árbores mortas, caídas ou enfermas do río Guisande; na eliminación de especies exóticas invasoras, e na mellora do campo visual dos observatorios a través da corta de arborado e desbroce da vexetación existente no campo visual dos miradoiros.
A maiores, tamén se renovou o pavimento exterior do centro de interpretación, colocáronse morróns para evitar o acceso de vehículos á lagoa, restauráronse os camiños e substituíronse os paneis informativos.
Inventario de zonas húmidas de Galicia
A lagoa de Cospeito é unha das 650 zonas húmidas incluídas no inventario elaborado pola Xunta e no que se recolle o número, extensión, valores e estado de conservación dos espazos deste tipo existentes en Galicia. O seu obxectivo é promover a conservación e posta en valor destes espazos naturais que contan cunha notable riqueza de flora e fauna, destacando taxons ameazados e hábitats prioritarios.
Nese senso cómpre lembrar que Galicia é a cuarta comunidade española —por detrás de Andalucía, Valencia e Castela A Mancha— con máis humidais incluídos na listaxe Ramsar, un recoñecemento de carácter internacional que se outorga aos espazos deste tipo máis representativos de todo o mundo e do que gozan 6 zonas húmidas galegas: a ría de Ortigueira e Ladrido; a lagoa e areal de Valdoviño; o complexo intermareal Umia-O Grove-A Lanzada; o complexo das praias, lagoa e duna de Corrubedo; a ría de Ribadeo; e o Parque Nacional marítimo-terrestre das Illas Atlánticas de Galicia.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
