Mondoñedo, 20 de outubro, 2024. Unha representación de cargos institucionais e orgánicos do BNG asistíu no día de hoxe á feira das San Lucas. As deputadas Olalla Rodil e Ariadna Fernández e o deputado Daniel Castro, acompañados polos concelleiros mindonienses Eloi Cabanas e Pepa Carballeira e o responsable comarcal Antonio Veiga.
Ademáis de asistiren aos diferentes eventos que se desenvolveron ao longo do día, como os concursos de andadura galega e a homenaxe a Pascual Veiga celebrada no cemiterio, os nacionalistas reuníronse co sector gandeiro testando toda a problemática que lle afecta, coma os danos producidos pola fauna salvaxe. As representantes de Puraga presentes na reunión, Laura Peteiro e Vanesa Otero manifestaron o malestar do sector coas perdas que tenen que afrontar e tamén coa lentitude e excesiva burocratización da administración autonómica. As deputadas do BNG comprometéronse a levar ao Parlamento unha vez máis algo que o PP tén rexeitado como foi o pago ecosistémico en función das greas e da superficie que se poida manexar con elas.
“Non pode ser que o PP ignore sistemáticamente a situación deste sector vital para o mantemento dos nosos montes e do noso medio natural, ademáis de ser o medio de vida de milleiros de persoas, ppr eso anunciamos tamén que introduciremos esta cuestión no debate dos orzamentos para 2025 que se inicia estes sías no Parlamento” afirmou Olalla Rodil. No mesmo sentido pronunciouse Ariadna Fernández que recordou os 4.000.000€ procedentes do Estado que vai recibir a Xunta e que debe aplicalos de inmediato. Outra das demandas das propietarias de gando no monte é a necesidade da realización de queimas controladas para habilitar terreos para a súa xestión
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
