Nota de prensa:
RAQUEL ARIAS CONSIDERA “LAMENTABLE” QUE O BNG ANTEPOÑA OS INTERESES DE PARTIDO Á SÚA RESPONSABILIDADE CO DESENVOLVEMENTO DE LUGO
A delegada territorial lembra que institucións e axentes sociais de todos os ámbitos están implicados no comité de seguimento do plan ImpulsaLugo, e confía en “seguir contando co compromiso de todos”
Lugo, 28 de outubro de 2010.- A delegada territorial da Xunta, Raquel Arias, cualificou hoxe de “lamentable” que o candidato do BNG á alcaldía, Antón Bao, falsee a realidade para atacar o plan ImpulsaLugo, antepoñendo os intereses partidistas ao compromiso cun proxecto no que están implicadas institucións, organismos e axentes sociais de todos os ámbitos.
A delegada afirma que, coas súas declaracións, Bao demostra “un descoñecemento absoluto do funcionamento do plan”, que partiu das reivindicacións dos axentes sociais –a través da asociación impulsora-, foi asumido pola Xunta de Galicia, que lle conferiu proxección e financiamento, e está aberto á participación de todos os estamentos representados no comité de seguimento –incluídos a Deputación, o concello de Lugo, os sindicatos e as asociacións empresariais-.
“Un descoñecemento absoluto ou, o que sería peor, unha clara mala intención en desacreditar un proxecto transparente e eficaz para o desenvolvemento da provincia, do que se da conta periodicamente en reunións do comité de seguimento nas que a Xunta facilita todos os datos dispoñibles”, sinalou Arias.
A delegada subliñou que, entre as condicións específicas esixidas ás empresas para obter estas axudas, “condicións que calquera pode consultar nas convocatorias, figura o compromiso de mantemento do emprego. Non se pode acceder á subvención se se destrúe emprego”.
Arias lembra que o plan ImpulsaLugo “é un proxecto de longo alcance”, que comezou aproveitando as liñas de axudas do Igape “porque eran un recurso do que xa dispoñiamos e que nos permitía introducir de xeito inmediato medidas de discriminación positiva para a provincia”. “Non disfrazamos nada, porque ligar as medidas transitorias ás subvencións do Igape foi unha decisión intelixente e axeitada, como o demostran os resultados obtidos”.
Ao respecto, Arias informou dos datos obxectivos que revela o balance destes primeiros meses de aplicación do plan, “no que practicamente se triplicaron as solicitudes de axuda na liña de grandes investimentos, mentres que na liña de mellora competitiva as solicitudes procedentes de Lugo pasaron de representar o 6% ao 14% no total de Galicia”.
O programa de axudas para grandes investimentos suma propostas por valor de 66 millóns de euros, o que significa un crecemento do 363% con respecto aos meses precedentes á posta en marcha das medidas transitorias do ImpulsaLugo. Ademais, implican a creación de 192 postos de traballo e o mantemento doutros 184.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
