Criticar por criticar e desacreditar o traballo que fai este goberno é o único ó que dedica o seu tempo o Bng. Durante un ano e catro meses tivemos a capacidade de xestionar moito orzamento, pero tamén de eliminar dous créditos. O primeiro, cando chegamos, unha cantidade algo superior a 100.000€ e agora o que sacaron para a Residencia Hospital Asilo de 950.000€. Tivemos a capacidade de xestionar 700.000€ co que puidemos eliminar este crédito.
Isto, lévanos a ter capacidade de poder sacar un novo crédito para poder investir. Non o dicimos nós, intervención e técnicos do Concello así o consideran tamén.
¿Cómo pode o Bng votar en contra? ¿cómo se pode votar en contra de investir en instalacións deportivas? Chove máis dentro que fora dende hai anos e non deron ningunha solución definitiva. ¿A qué debemos esperar? A ver se no medio da choiva cae algún billete?Hai que traballar e HAI QUE TOMAR DECISIÓNS, facer proxectos para posibles convenios.
En infraestruturas, máis do mesmo. Non se pode criticar que hai fochancas, que as hai, e votar en contra do seu arranxo. Durante vinte anos houbo unha ralentización de programación e de inversión TOTAL e ABSOLUTA. Critican as fochancas e o estado dos edificios que eles mesmos deixaron abandonados e votan en contra, sen ningún tipo de pudor, de solucións para o arranxo do pavillón e doutras instalacións deportivas, auditorio, Praza de Abastos. “Esixen” o campo de herba artificial que prometeron no seu programa en varias ocasións e que non foron capaces de cumprir, de rúas que literalmente dan pena como Alza-San Lázaro, Barrio da Torre, aceras de rúa Villalba, Travesía da Paz, Rúa Reinante ou Rúa San Francisco, que foron tan ben feitas que estando aínda en obra, recordemos, houbo que levantar todo porque non ía ben… bueno nin ía nin foi… aí está o resultado!!
Tivemos a capacidade de xestionar para amortizar crédito. Entendemos que o Bng non foi capaz porque ante a negatividade de xestionar coas administracións, dando pena e esperando soamente limosnas da Deputación, é imposible…
Nós non viñemos para dar pena nin para victimizarnos. Nós temos a capacidade de xestionar porque entendemos que para mellorar Ribadeo hai que investir, e temos que ter esa capacidade de inversión sen ter que ir a outras partidas como a da luz ou a do combustible, que despois pasa o que lle pasou ó Bng no último mandato… que lle cortaron o suministro…
Pero, ¿a quén pretenden enganar? Nós vamos seguir neste ritmo constante de traballo, xestionando para seguir investindo. Somos o goberno que máis inversión está tendo da Mariña. Ribadeo está activo. Ribadeo está transformándose, mentres o Bng desacredita o traballo e a inversión… ALÁ ELES!!
Nós ó noso, traballando arreo e defendendo os intereses de Ribadeo e dos nosos veciños.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
