Esta iniciativas permiten mellorar, con criterios de ergonomía e seguridade, o desenvolvemento da actividade pesqueira dun xeito máis eficiente, con menor impacto e socialmente máis responsable
Ribeira (A Coruña), 30 de outubro de 2024. A Consellería do Mar, que dirixe Alfonso Villares, incrementará en 2025 as axudas deste departamento do Fondo Europeo Marítimo, de Pesca e de Acuicultura (FEMPA) en 2025. Concretamente, pasarase dos 8,3 millóns en 2024 aos 9 millóns o vindeiro ano.
Así o anunciou o responsable autonómico, acompañado da directora xeral de Desenvolvemento Pesqueiro, Marta Villaverde, e do patrón da Confraría de Pescadores de Carreira e Aguiño, José Antonio Santamaría, na visita realizada ao peirao ribeirense, onde supervisou o novo equipamento da congregración, co-financiado ao abeiro da convocatoria de axudas deste ano, e que está destinada á modernización e mellora das infraestruturas dos peiraos, dos lugares de desembarque, das lonxas e dos ancoradoiros.
Trátase dun novo vehículo telescópico que facilita o traballo que realizan o profesionais da pesca e do marisqueo. Permite coller o aparello que sae do barco cando vén do mar e transportalo á lonxa, así como a mobilidade dos produtos pesqueiros e as grandes redes de frota do cerco. Deste xeito, a través desta iniciativa, solicitada pola propia confraría de pescadores, o porto e a lonxa ven mellorada, con criterios de ergonomía e seguridade, a realización de actividades precisas para as operacións de pesca e para a primeira venda de produtos pesqueiros, así como o desenvolvemento dunha actividade máis eficiente, con menor impacto e socialmente máis responsable.
Esta adquisición enmárcase dentro do esforzo inversor que realiza o Goberno galego con esta confraría, e que permitiu tamén a instalación dunha bomba de calor que mellorará a eficiencia enerxética do porto. En total, un investimento que supera os 400.000 euros, cofinanciados con fondo europeos.
Outros apoios
A Consellería do Mar, ao abeiro da orde de axudas para equipamentos portuarios, tamén concedeu unha achega á Confraría de Pescadores de Ribeira por valor de 100.000 euros. Deste xeito, o Goberno galego investiu máis de 500.000 euros en proxectos impulsados polo sector pesqueiro da localidade coruñesa e que amosan o compromiso da Xunta na potenciación e desenvolvemento desta actividade estratéxica na economía do municipio.
Porto referente
Un total de 102 embarcacións pesqueiras teñen como porto base Aguiño. Destas, 99 son de artes menores e 3 da frota de cerco. A confraría encárgase da primeira venta e distribución dos produtos extraídos polo seu asociados (240 aproximadamente) mediante poxa en lonxa. As manufacturas comercializadas son garantía de pesca artesanal, sostible, de orixe galego e coa máxima calidade e frescura. Esta instalación é un referente na produción de percebe. Nela veñen traballando uns 200 profesionais adicados á extracción deste marisco.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
