Unha das grandes novidades é a volta da actividade ao Teatro da Beneficencia
Ortigueira, 29 de novembro de 2024. O Concello de Ortigueira deseñou unha completa axenda de actividades do Nadal que promete encher de alegría e cultura cada recuncho do municipio durante o mes de decembro. Este programa inclúe música, talleres, teatro e propostas solidarias para públicos de todas as idades.
As festividades comezarán o 3 de decembro co obradoiro de adornos de Nadal para adultos e continuarán o día 6 cunha visita teatralizada polo centro histórico de Ortigueira. A continuación, o sábado 7 de decembro, realizarase tradicional acendido das luces do Nadal na Praza Isabel II, acompañado polas actuacións de Troula do Ortegal e Magic Mateo, e culminando coa visita de Papá Noel.
Os días 10 e 17 de decembro, os máis pequenos gozarán do seu taller de contacontos e adornos na Biblioteca municipal. dunha sesión de contacontos a cargo de Tania Xusto na Biblioteca Municipal, onde se combinará a diversión co fomento da lectura.
O 14 de decembro, a igrexa parroquial de Ortigueira acollerá un festival benéfico en favor de ASPROMOR organizado polo coro de Espasante e coa colaboración do Concello. Ao día seguinte inaugurarase o tradicional Belén de Ortigueira na Igrexa Parroquial. Esta actividade estará acompañada do pregón do Nadal e un concerto da Agrupación Musical Nosa Señora do Nordés OJE-Ferrol.
O venres 20 de decembro haberá un contacontos da man de Tania Xusto, unha iniciativa que busca promover a lectura entre as novas xeracións. Ese mesmo día, ás 19:30 h, terá lugar o concerto de Nadal da EMCO, titulado A Divina Comedia, na Igrexa Parroquial de Ortigueira.
O 15 de decembro, a Biblioteca Municipal acollerá o taller de adornos do Nadal para adultos, impartido por Gabi Villasuso. Leste mesmo día, terá lugar o festival de Nadal organizado pola Asociación Cultural Troula do Ortegal, no Centro Social San Adrián.
O Teatro da Beneficencia recuperará a súa actividade este mes. A primeira actuación tras a recente reforma correrá a cargo de ‘Lle Barluthier’, o 21 de decembro. Pero non quedará aí, pois o 26 celebrarase o esperado festival solidario da Escola de Gaitas de Ortigueira; o 28 un concerto de Nadal da Camerata Clásica de Ponferrada como parte do ciclo DinamizArj; e o 29 a proxección da película ‘Que belo é vivir’.
O 21 de decembro celebrarase o festival de Nadal no centro social de San Adrián, organizado pola A.C. Troula do Ortegal. Haberá tamén actuación de Magic Mateo e visitaranos Papá Noel. E o 23 de decembro, os nenos terán a súa festa especial con inchables, música, animación e talleres no Pavillón Municipal. Por último, o ano despedirao Cristian Caruncho cun taller de cómics na biblioteca municipal o día 30 de decembro.
Ademais das actividades principais, o Concello de Ortigueira complementará a programación do Nadal con varias iniciativas destacadas que encherán de espírito festivo todo o municipio. Entre elas, o Certame de Fachadas e Escaparates de Nadal 2024, que premiará a creatividade e o esforzo de veciños e comerciantes na decoración do Nadal; a Exposición de Xanelas de Nadal, que engadirá un toque artístico ás rúas; e o Mercado de Nadal, unha cita imprescindible para gozar de produtos locais e adquirir agasallos únicos. Así mesmo, organizaranse roteiros de sendeirismo do Nadal, unha forma orixinal de explorar a beleza natural de Ortigueira durante estas festas.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
