A alcaldesa insiste en salientar o traballo dos efectivos do GES e na súa vontade de continuar con este servizo, pero alerta que se está a dar unha “falsa sensación seguridade” cando non se poden atender as emerxencias pola falta de persoal
Cervo 5 de decembro de 2024. O Pleno do Concello de Cervo aprobou por maioría, co voto a favor do equipo de goberno, demandar o apoio da Deputación de Lugo, como administración competente, para dar continuidade ao Grupo de Emerxencias Supramunicipal (GES) con sede neste municipio. O convenio remata a súa vixencia o vindeiro 31 de decembro e sen a a implicación da administración provincial será imposible renovalo.
A alcaldesa, Dolores García Caramés, lamentou durante o último pleno municipal celebrado onte que ata o de agora só teña recibido o “portazo” da Deputación ante as reiteradas demandas trasladadas desde o Concello para que buscase unha solución que permitise garantir a operatividade dos GES en condicións de efectividade e seguridade.
“Vimos de coñecer, pola prensa, pois nin se dignaron a enviar unha resposta oficial, a negativa da Deputación de Lugo a asumir as súas competencias e apoiar a contratación de novos efectivos. Todo o mundo sabe, especialmente os propios responsables do Goberno provincial, que a xestión das emerxencias é unha competencia da Deputación, máis alá de que os concellos poidan xestionar os GES ou financiar o seu custo co apoio de diferentes administracións, entre os que están a Xunta e a Fegamp. Creo que desde San Marcos deberan preocuparse menos por xerar polémica e confusión, e máis por cumprir as súas competencias”.
De feito, tanto o convenio vixente como a Lei 5/2007 de Emerxencias de Galicia, aprobada no mandato do Goberno autonómico bipartito, establece “sen lugar a dúbidas” que son as deputacións provinciais as administracións competentes na prestación do servizo de protección civil e xestión de emerxencias en concellos de menos de 20.000 habitantes.
No ano 2007, data na que se aprobou a Lei de Emerxencias vixente, o presidente da Xunta era o socialista Emilio Pérez Touriño quen gobernaba en colación co BNG. Son as mesmas formacións políticas que teñen hoxe a responsabilidade de goberno na Deputación. “Non quero pensar que socialistas e nacionalistas queren ser hoxe insubmisos ás leis que eles mesmos aprobaron”
Falsa sensación de seguridade.
O GES de Cervo leva meses soportando unha maior carga de traballo como consecuencia das situacións máis que frecuentes de falta de operatividade dos parques de bombeiros de Barreiros e Viveiro, e ademais, vese na obriga de atender incidencias que se producen fóra do seu termo municipal e incluso do seu ámbito de actuación, que debera ser a comarca da Mariña occidental.
A alcaldesa insiste en poñer en valor o traballo dos efectivos do GES e reafirma a súa vontade de manter ese servizo pero esixe a implicación da administración competente no ámbito das emerxencias. García Caramés explica que neste momento se está a dar unha “falsa sensación de seguridade á cidadanía” facendo crer que hai servizos de emerxencias operativos cando a realidade é que en moitas ocasións non poden atender incidencias pola falta de persoal, “sen que a Deputación teña vontade por asumir a súa responsabilidade nesta situación.”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
