A Xunta de Goberno licitou as primeiras obras do paquete de melloras das estradas anunciado polo Presidente para o 2025. Traballos que afectarán a 7 vías ao seu paso por Guitiriz, O Corgo, Begonte, Xermade, Vilalba, Castroverde, Trabada e As Nogais
Lugo, 5 de decembro de 2024. A Xunta de Goberno da Deputación de Lugo aprobou este xoves un conxunto de investimentos por un total de 2,25M€ para realizar novas obras e actuacións que beneficiarán directamente aos veciños e veciñas da provincia. Así o anunciou o Deputado de Promoción Económica e Social, Pablo Rivera Capón, que recalcou que son “proxectos que mellorarán a rede de estradas provinciais, así como os servizos, as infraestruturas e diversas dotacións de oito concellos da provincia”.
Rivera Capón fixo referencia a que “un dos nosos obxectivos prioritarios como Goberno Provincial é a mellora da mobilidade do conxunto da provincia. Por iso, na sesión desta mañá aprobamos licitar por un importe de algo máis de 1,8 M€ as obras de acondicionamento de 7 estradas provinciais ao seu paso polas comarcas da Terra Chá, Lugo, A Mariña, e a Montaña”.
Nesta liña, o Deputado incidiu en que se tratan de proxectos que se inclúen no primeiro paquete de actuacións nas estradas provincias “que anunciou esta mesma semana o Presidente. Con estas obras que vimos de aprobar hoxe cumprimos co compromiso de comezar xa o proceso de contratación destas actuacións para executalas o próximo ano”.
Na comarca da Terra Chá, aprobáronse os proxectos de mellora destas catro estradas:
– Na LU-P-2301, que une Guitiriz con Vilares, a institución provincial destina case 247.000€ para acondicionar o tramo que vai dende o punto quilométrico 6,7 ata o 9,2.
– Con preto de 206.000€ arranxaranse outras dúas vías. Por unha banda, en Xermade acondicionarase un treito da LU-P-2206, a vía que une Roupar ata Vilapedre por Lousada. En concreto é o tramo que vai desde o punto quilométrico 1,8 ata o 5,5; e por outra banda, en Vilalba renovarase a LU-P-6509, a estrada limítrofe que vai de Carrizo ata Lousada. O proxecto inclúe a reposición das marcas viais desde o principio da vía e ata o punto 9.
– Por último nesta comarca, a Deputación destina máis de 422.140€ para acondicionar dous tramos do cinto comarcal, a LU-P-1611, ao seu paso polo concello de Begonte. Mellorarase o treito que vai do punto 71,7 ao 73,1; e do 78,6 ata o 81,8.
As obras que se van realizar nestes tres proxectos consisten na reapertura de cunetas, a repavimentación do firme e a reposición da sinalización.
Na comarca de Lugo, realizaranse as seguintes actuacións:
– Unha delas é para dar continuidade ás melloras do cinto comarcal, neste caso, ao seu paso polo concello do Corgo. A estes traballos destínanse case 605.000€ para arranxar o treito que vai do punto quilométrico 0,1 ata o 5,6; e do 6,6 ao 7,5. Neste tramo tamén se acometerán a reapertura de cunetas, a repavimentación do firme e a reposición da sinalización.
– Tamén na comarca lucense arranxarase en Castroverde a LU-P-1211, que vai desde Coto ata Arrubial por Porcín. Para esta actuación a institución provincial achega preto de 83.000€ para acondicionar o tramo que vai desde o inicio da estrada ata o punto 3,8. As obras consistirán na reapertura de cunetas, no saneo da explanada e na reparación de afundimentos.
Na comarca da Mariña:
– Acondicionarase en Trabada a LU-P-6101, a estrada que une Trabadela ata a Ría por Sante con case 150.000€. O tramo que se vai arranxar vai do punto 1,3 ata o 3,5 e os traballos consistirán na pavimentación e no repintado da sinalización e o balizamento.
Na comarca da Montaña:
– Mellorarase nas Nogais a LU-P-3701, a vía que vai desde este municipio ata a LU-P-4504 por Pintinidoira. Concretamente, renovarase un treito de 20 quilómetros desde o inicio da estrada con case 119.000€ e realizarase a reapertura de cunetas e a reparación de afundimentos.
O prazo de execución de todos estes traballos é de 2 meses desde que se inicien as obras.
Convenios
En materia de convenios, Pablo Rivera sinalou que “aprobamos tres acordos para colaborar cos concellos de Castroverde, Xermade e Pol para financiar diferentes actuacións. Porque como sabedes a cooperación cos concellos é outra das liñas de acción prioritarias deste Goberno”.
Por unha parte, en Castroverde, a institución provincial achegará máis de 220.000€ para acondicionar accesos e camiños, mellorar a recollida de augas, remodelar instalacións deportivas ou crear unha senda rural. Pola súa banda, o Concello achegará outros 220.000€ para chegar a un orzamento conxunto de preto de medio millón de euros.
En Xermade, a Deputación destinará case 100.000€ á mellora da contorna da praia fluvial de Cabreiros e un camiño municipal desa parroquia. Neste caso, o Concello comprométese a aportar máis de 30.000€ para chegar a un orzamento total duns 130.000€.
Por último, en Pol, aprobouse un investimento de máis de 100.000€ para adquirir un edificio que servirá para acondicionar un espazo multiusos e tamén para acometer a rehabilitación dun supermercado. Para estas actuacións o Concello aprobará outros 12.000€ para chegar a un orzamento conxunto que supera os 120.000€.
Licitacións de máis servizos
Así mesmo, na sesión deste xoves acordouse licitar por un total de case 300.000€ o servizo de control de calidade das obras da Deputación de Lugo. O contrato será de dous anos de duración prorrogables por un máis e divídese en tres lotes: un dotado con 200.100€ para as obras e servizos de conservación dirixidos desde o Servizo de Vías e Obras; outro para prestacións executadas desde o Parque Móbil por un importe de 30.906,66€; e un terceiro por 62.368,92€ para as obras e actuacións do resto dos servizos da institución.
Por outra banda, aprobouse a licitación da contratación dun servizo de prevención para as especialidades de seguridade no traballo e vixilancia da saúde. O orzamento de licitación é de 106.230€ e a duración do contrato será de dous anos.
Por último, tamén se acordou a licitación do contrato da renovación das licenzas de software antivirus para os equipos dos postos de traballo da Deputación. O orzamento de licitación é de 23.012,99€ e o contrato será de dous anos prorrogables por un máis.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
