Os populares sinalan que a decisión do Goberno de España “afecta especialmente aos pequenos concellos do rural” e inciden en que “Sánchez desconecta Galicia e castiga á provincia de Lugo”
Lugo, 5 de decembro de 2024. Os senadores do PP lucense José Manuel Barreiro, José Manuel Balseiro e Juan Serrano mantiveron unha reunión cos alcaldes e portavoces dos concellos lucenses que o Goberno de España pretende deixar sen servizo de liña de bus estatal que permitía comunicacións con outras comunidades e tamén dentro de Galicia. Os representantes populares na Cámara Alta explicaron que o Grupo Popular logrou aprobar unha iniciativa no Senado -co voto en contra do PSOE e a abstención do BNG- para instar ao Goberno de Sánchez un novo mapa concesional de transporte regular en autobús para “corrixir a discriminación aos pequenos concellos do rural”.
Os populares inciden en que “Sánchez desconecta Galicia e castiga, en particular, á provincia de Lugo” á vista da supresión do servizo en 10 municipios (Baralla, Chantada, O Corgo, Guitiriz, Meira, Monterroso, As Nogais, Palas de Rei, A Pontenova e Quiroga) que perden o servizo de forma completa. Os veciños e veciñas destes concellos perden a posibilidade de comunicarse con outras localidades porque non hai a posibilidade de solicitar subirse ou baixarse.
Os senadores, alcaldes e representantes dos municipios afectados coincidiron en sinalar “o prexuízo para os municipios pequenos do rural” que afecta ao transporte de pasaxeiros, estudantes… e tamén de paquetes e, incluso, ao Camiño de Santiago, xa que “varias poboacións polas que pasa algunha das súas rutas queda sen parada”.
O alcalde das Nogais, Jesús Núñez, cre que “non ten sentido que os pequenos concellos afectados non teñamos esa comunicación cando están pasando os autobuses por diante”. E sinala que “os habitantes destes 10 concellos temos o mesmo dereito a coller un autobús nas nosas localidades igual que os doutros lugares”.
SÁNCHEZ, PSOE E BNG EN CONTRA DOS SERVIZOS NO RURAL
Os senadores do PP lucense condenan o voto en contra do PSOE e a abstención do BNG. “Os representantes socialistas dan as costas, unha vez máis, á nosa provincia e, máis concretamente, aos veciños e veciñas que viven nos municipios rurais”. E, ao BNG, “abstívose como quen pasa por alí”.
Barreiro considera que estas actitudes se basean na “hipocrisía” toda vez que “o Goberno de Sánchez di que vai facer todo pola España baleirada, pero o que fan é que cada vez se baleire máis ao quitarlles servizos aos pequenos concellos”. Así, afea a PSOE e BNG que “aquí din unha cousa e en Madrid fan outra co seu voto”. Dende o Partido Popular, pola súa banda, “seguiremos pelexando para que o Goberno de Sánchez acate esa petición que lle fixo o Senado”.
A Xunta de Galicia fai totalmente o contrario: “aprobou no 2019 un novo mapa concesional do transporte autonómico onde aumentan as rutas e facilita o uso do servizo. Os menores de 21 e os maiores de 65 non teñen que abonar nada”, explicou Barreiro.
Núñez tamén incidiu en que “estas políticas son socialistas non sociais porque as políticas sociais responden ás necesidades da xente”. Nese sentido, defendeu que este tipo de servizos públicos en zonas despoboadas non se deben medir por rendibilidade, senón por ofrecer servizo á xente que vive nestes lugares”.
SUPRESIÓN DE SERVIZOS ESTATAIS
O mapa concesional presentado polo Goberno suprime en Galicia 76 servizos interiores e 1.100 rutas que deixarían de ser directas obrigando aos usuarios a facer transbordos. En toda España, suprime un 47% das rutas, rebaixa un 74% os municipios con parada e merma nun 31% os quilómetros que percorre de media cada vehículo.
Os senadores lembran que “estas novidades son as que recolle o proxecto de Ley de Movilidad Sostenible que está en tramitación no Congreso, paralizada dende o 2022”. O Goberno de España ten que sacar a concurso as novas concesións.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
