A subdelegada presidiu o acto no que agradeceu a súa presenza ás autoridades e veciños e salientou o consenso social arredor dos valores democráticos que integran a Constitución española
Lugo, 6 de decembro de 2024. A subdelegada do Goberno en Lugo, Isabel Rodríguez, presidiu o acto institucional polo 46 aniversario da Constitución Española, destacando a importancia de protexer e desenvolver os dereitos fundamentais recollidos na Carta Magna, con especial énfase no acceso á vivenda e a loita contra a violencia machista.
Durante a súa intervención nun acto que reuniu a autoridades, representantes da sociedade lucense e veciñanza, Isabel Rodríguez subliñou que o artigo 47 da Constitución recoñece o dereito de toda persoa a unha vivenda digna e adecuada. “Este dereito non é un privilexio, senón unha necesidade fundamental para garantir unha vida digna”, afirmou.
Rodríguez sinalou que o Goberno está a traballar en medidas concretas para facelo realidade, como a regulación dos prezos do alugueiro en zonas tensionadas, o aumento do parque público de vivendas e a loita contra a especulación inmobiliaria. “Aínda queda moito por facer, pero avanzamos na dirección correcta con todas as administracións traballando na mesma dirección: un país onde ninguén quede atrás no acceso a un fogar digno”, engadiu.
Outro dos temas centrais do discurso foi a igualdade entre homes e mulleres e a loita contra as violencias machistas. Rodríguez lembrou que 43 mulleres foron asasinadas no que vai de ano e 1.288 desde que se teñen rexistros. “Detrás destas cifras aterradoras hai vidas truncadas por unha violencia estrutural que interpela a toda a sociedade”, sinalou.
A subdelegada destacou as medidas que o Goberno está a impulsar para reforzar a protección das vítimas, mellorar a educación en igualdade e endurecer a lexislación contra os agresores. “A loita contra a violencia de xénero non é só unha prioridade política; é unha prioridade social e ética. A Constitución obríganos a garantir a vida, a liberdade e a seguridade de todas as persoas, sen excepcións”, subliñou, “e por suposto, baixo ningún pretexto, a metade da poboación somos unha excepción”.
Unha Constitución viva que responde os retos actuais
Rodríguez destacou a capacidade da Constitución Española para adaptarse aos tempos, citando como exemplo a recente reforma do artigo 49, que dignifica a linguaxe cara ás persoas con discapacidade. “Este cambio, froito do consenso e o diálogo, é unha mostra de que a Constitución segue sendo unha guía para afrontar os desafíos do presente e construír un futuro máis xusto”, apuntou.
A subdelegada tamén resaltou outros dereitos fundamentais recollidos na Carta Magna, como a sanidade pública ou a educación como motor de igualdade de oportunidades e a integración social, cunha especial mención tamén ás persoas refuxiadas. “A Constitución lémbranos que os dereitos non son palabras nun papel; deben converterse en realidades tanxibles para todas as persoas”, concluíu.
Renovar o compromiso cos valores constitucionais
O acto, que concluíu coa interpretación dos himnos galego e nacional, serviu como homenaxe aos valores democráticos, de igualdade e de xustiza que inspiran a Constitución Española. Isabel Rodríguez chamou a renovar o compromiso con estes principios para seguir construíndo unha sociedade cohesionada, solidaria e máis igualitaria.
Acto institucional
A Subdelegación do Goberno celebrou hoxe a conmemoración do 46 aniversario da Constitución cun acto que reuniu a máis dun centenar de autoridades e persoas convidadas, entre as que estaban o conselleiro do Mar, Alfonso Villares; o deputado e voceiro no Parlamento, José Ramón Gómez Besteiro; o presidente da Deputación de Lugo, José Tomé; a vicepresidenta 1ª do Parlamento galego, Elena Candia; e o presidente da Confederación Hidrográfica, José Antonio Quiroga; entre outros.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
