O deputado do BNG chama a cidadanía a volver a dar unha “resposta contundente” en contra da macrocelulosa na mobilización do domingo, 15, en Compostela
Madrid, 12 de decembro de 2024. O deputado do BNG no Congreso, Néstor Rego, interpelou a Secretaria de Estado de Industria, Rebeca Torró, para exixir que o Goberno negue o financiamento público a Altri para a súa implantación no corazón da Galiza. A organización nacionalista sinala que o proxecto de macrocelulosa non cumpre cos criterios ambientais estabelecidos para a obtención das axudas públicas do PERTE de descarbonización e demanda ao Goberno rexeitar este proxecto.
“Non só queren implantarse no noso País senón que pretenden que paguemos entre todos o proxecto” recrimina o deputado do BNG no Congreso durante a pregunta sobre o polémico proxecto que Altri pretende implantar no corazón da Galiza. Para a organización nacionalista, existen argumentos dabondo para negar o financiamento público e rexeitar a súa instalación en Palas de Rei.
De facto, o Tribunal de Xustiza da Unión Europea resolveu o pasado 25 de xuño, a raíz dun caso en Italia, que os proxectos industrias deben declarar todas as emisións potencialmente contaminantes, non só as directamente asociadas aos procesos que desenvolvan. Mais o estudo ambiental de Greenfiber non cumpre este criterio. “Altri ocultou moitas das emisións que vai ter. Tal e como recolle un estudo do doutor en bioloxía Ramón Varela, que acaba de ser publicado, a macrocelulosa está a ocultar máis de 15 substancias contaminantes, tales como partículas finas e mesmo gases de efecto invernadoiro como o dióxido de carbono” denuncia Rego.
En opinión do deputado nacionalista, o Goberno non pode ser cómplice deste atentado ambiental que está a contar coa oposición da cidadanía e da comunidade científica. “A implantación de Altri implicará destrución de emprego e un impacto ambiental maiúsculo se tomamos en conta as emisións contaminates á atmosfera, que provocarán chuvia ácida; sobre as augas do río Ulla e a ría de Arousa, dado que vai devolver a 27 graos millares de metros cúbicos cada día; unha maior eucaliptización e, por tanto, perda de biodiversidade; impacto no Camiño de Santiago e no sector primario tanto da zona como da Ría de Arousa e mesmo afectación a especies de flora singular e en risco de desaparición na Serra do Careón” alerta.
“O noso País non está en condicións de asumir este proxecto. O Goberno debe rexeitalo porque constatamos que xa incumpriu os criterios estabelecidos. Este proxecto só conta co aval da Xunta de Galiza e do Presidente Rueda, que está a actuar como comercial de Altri no canto de defender os intereses da Galiza e mesmo a escoitar a cidadanía” asevera Néstor Rego. Así mesmo, o deputado do BNG avanza a súa participación na mobilización desta fin de semana en Santiago de Compostela onde “os galegos e galegas volveremos a saír á rúa para dicir non a este proxecto”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
