O delegado territorial de Lugo, Javier Arias, explicou que supoñen novas oportunidades laborais para 36 persoas desempregadas, 16 delas inscritas no sistema de garantía xuvenil
Ribadeo, 13 de decembro de 2024. A Xunta de Galicia inviste 880.500 euros nos dous obradoiros de emprego que comparten os concellos de Ribadeo e Barreiros, nos que se forman 36 persoas desempregadas en distintas especialidades con demanda no mercado laboral.
O delegado territorial da Xunta en Lugo, Javier Arias, asistiu hoxe á inauguración do obradoiro dual “Constrúe en verde”, que conta con 10 alumnos en Operacións auxiliares de revestimentos continuos en construción e outros tantos en Limpeza en espazos abertos e instalacións industriais.
Ademais, desde o pasado mes de outubro e durante un ano estará en marcha o obradoiro “Máis emprego”, con 16 alumnos menores de 30 anos procedentes do sistema de garantía xuvenil; oito fórmanse en Instalación e mantemento de xardíns e zonas verdes, e a outra metade en Dinamización, programación e desenvolvemento de accións culturais.
Os participantes do obradoiro de emprego son contratados para formarse e adquirir experiencia profesional en sectores con elevada demanda laboral. No caso da iniciativa que hoxe bota a andar, traballarán 9 meses no obradoiro e a continuación incentivarase a súa contratación por un período de tres meses en empresas locais, co fin de facilitar o primeiro achegamento ao mercado de traballo nas especialidades aprendidas.
Traballos a realizar
Os obradoiros de emprego realizan obras e servizos de interese xeral en beneficio dos veciños e veciñas dos concellos promotores. En concreto, o alumnado do proxecto “Constrúe en verde” acometerá labores de conservación e recuperación da Muralla do Forte de San Damián, das antigas escolas de Vilamar ou do antigo edificio do Motor club, entre outros.
Tamén levarán a cabo a limpeza de rúas, praias e instalacións e equipamentos industriais, como a nave municipal de obras de Ribadeo situada na parroquia de Vilaselán ou espazos do punto limpo de Barreiros.
Igualmente, van aplicar limpezas exteriores e interiores e tratamentos de solos, paredes e teitos en distintos inmobles de titularidade municipal, como a oficina de turismo, auditorio e cine-teatro de Ribadeo, ou a Casa do Concello e o centro sociocultural en San Cosme de Barreiros.
Por último, traballarán na xestión de residuos urbanos, cunha campaña de sensibilización sobre a sostibilidade, e na xestión de residuos industriais no punto limpo de Barreiros.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
