A identificación só se produce tres días despois de que o BNG solicitase información sobre o asunto, “o que nos fai pensar que o goberno municipal pretendía deixar pasar o tema e asumir o pagamento”.
Ribadeo, 19 de decembro, 2024. O grupo municipal do BNG denuncia que, nun primeiro momento, o concello pagou 900€ dunha sanción de tráfico por non ter identificado o autor da infracción cun vehículo municipal en Asturias. Malia os requerimentos da DXT, o concello de Ribadeo non accedeu a identificar o autor e o importe pasou dos 300€ iniciais aos 900€ dos que finalmente se tiveron que facer cargo as “maltreitas arcas do municipio”. Unha vez que o BNG solicitou información sobre o asunto, aos tres días, o alcalde requiriulle ao infractor que pagase ao concello os 900€, “unha mostra máis do pouco respecto que o alcalde ten polo diñeiro de todos e pola legalidade”.
Pablo Vizoso declarou: “Volvemos ver, unha vez máis, unha mostra de pouco respecto pola legalidade e responsabilidade para cos cartos de todos os veciños e veciñas. Resúltanos moi curioso que, en doce meses que durou o procedemento, o goberno non foi capaz de identificar o condutor do vehículo, a pesar das advertencias, até que nós solicitamos información. Temos constancia de que o uso e utilización dos bens municipais é un absoluto descontrol pola falta de capacidade de organización, pero neste caso a non identificación foi voluntaria e só se produciu cando comezamos a indagar sobre o asunto. Casualmente, tres días despois de que solicitamos información sobre o tema, o alcalde require ao infractor que se faga cargo da sanción. Aquí algo cheira raro”.
Para rematar: “Como dicíamos antes, é outra mostra máis do pouco respecto á legalidade por parte do alcalde, o que ten un custo económico para todos. Estes 900€ sumaríanse aos 43.750€, sen contar a recarga de sanción por actuar sen permiso e poñendo en risco aos usuarios nas vías da Deputación, aos 601€ do ano pasado por tirar fogos artificiais sen o respectivo permiso, ou aos 6.500€ que se pagaron por colococar o mamotreto nas escaleiras do Pazo de Ibáñez. Finalmente, como este grupo municipal denunciou no seu momento, tiveron que movelo de sitio nos últimos días ao facelo sen o respectivo permiso de Patrimonio. A actitude neglixente e o mal facer do alcalde sáenos moi caro a todos os ribadenses e as ribadenses. Queremos pedir explicacións públicas ao goberno municipal: con que razón se procedeu desta maneira? Se este grupo non pedise información, pretendían deixalo pasar e que a veciñanza pagase o asunto? Estábase intentando protexer alguén?”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
