O Presidente, José Tomé Roca, asinou un acordo de colaboración co Alcalde de Trabada no Pazo de San Marcos a través do que se creará esta nova pista deportiva para os amantes da bicicleta e a patinaxe, ademais de mellorar en Sante e Vilaformán
Lugo, 26 de decembro de 2024. O Presidente da Deputación de Lugo, José Tomé Roca, asinou no Pazo de San Marcos un acordo de colaboración co Alcalde de Trabada, Rubén García Freije, través do que a institución provincial achega 105.000€ para impulsar a creación de novas instalacións deportivas e mellorar varias vías municipais.
José Tomé afirmou que institución provincial renova esta colaboración no marco do seu compromiso de cooperación cos concellos da provincia, especialmente aqueles de menor tamaño, como é o caso de Trabada. A Deputación, como institución clave para o desenvolvemento territorial, detallou o mandatario provincial, ten como razón de ser apoiar aos municipios na prestación de servizos e na realización de proxectos que melloren a calidade de vida da veciñanza. Grazas a estas colaboracións, os concellos máis pequenos poden acometer actuacións que, pola súa limitada capacidade económica, serían difíciles de levar a cabo en solitario, garantindo así a igualdade de oportunidades e o acceso a mellores infraestruturas e servizos para todos os seus veciños e veciñas.
Un circuíto de pump track
A principal partida do financiamento destinarase á construción dun circuíto de pump track para bicicletas e monopatíns, unha infraestrutura que se localizará no complexo deportivo de Santa María, entre o colexio e a piscina municipal. Esta nova instalación ocupará unha superficie de aproximadamente 600 m² e estará rodeada por outras dotacións deportivas existentes, como unha pista de pádel, unha pista multideporte, unha tirolina e un campo de bolos celtas.
O proxecto incluirá a limpeza e preparación do terreo mediante desbroce e retirada de materiais sobrantes; a creación dunha base sólida con capas de formigón armado e materiais seleccionados para garantir a durabilidade da instalación e a colocación dun circuíto modular deseñado para permitir a práctica segura deste deporte tanto por principiantes como por usuarios avanzados.
A construción do pump track reflicte o compromiso do Concello de Trabada por fomentar o deporte ao aire libre e promover un estilo de vida saudable entre os seus veciños, ademais de ampliar as actividades dispoñibles para a mocidade.
Mellora de vías municipais en Sante e Vilaformán
Outra parte da achega da Deputación financiará proxectos de acondicionamento viario que mellorarán a conectividade nas parroquias de Sante e Vilaformán.
Por unha banda, vaise actuar nos accesos a Pena Quente, na parroquia de Sante, cunha pavimentación dun tramo de 356 metros de lonxitude e un ancho entre 3,2 e 4 metros, ao tempo que tamén se vai actuar nun ramal de 70 metros que presenta deterioro polo paso do tempo.
Por outra banda, na parroquia de Vilaformán, acometerase a mellora dos accesos a Vilaxuá e A Igrexa. No acceso a Vilaxuá pavimentarase o camiño con formigón armado, instalaranse sistemas de drenaxe e construírase un murete de contención dun metro de altura para garantir a estabilidade do terreo nas zonas con pendente. Así mesmo, no vial de acceso á Igrexa renovarase o firme tras corrixir as deformacións existentes, e limparanse as cunetas para optimizar a evacuación da auga.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
