Malaguti decididíu abandonar a disciplina do conxunto mariñano por petición propia para enrolarse nas las filas de ATP Iluminación Tudelano Ribera Navarra, mentres que a saída de Meira responde a unha decisión da dirección deportiva
Burela, 8 de xaneiro, 2024. Malaguti e Meira deixan de formar parte do CD Burela FS para o que resta de tempada por diferentes razóns. No caso de Malaguti, o xogador de Benavente solicitou abandonar o cadro laranxa para ingresar no ATP Iluminación Tudelano Ribeira Navarra, do que recibiu unha oferta recentemente. Namentres, a situación con Meira desenvolveuse de maneira totalmente diferente. A dirección deportiva había decidido xa semanas atrás prescindir dos seus servizos por cuestións técnicas e agora, co mercado aberto, club e futbolista chegaron a un acordo satisfactorio para ambas as partes e poñen fin á súa relación.
Achega de laranxas
Tras formar parte do equipo que ascendeu a Primeira División a tempada pasada, Iván de Uña Feliz, ‘Malaguti’ (Benavente, 28 anos) renovou o seu compromiso co Burela FS o pasado verán e debutou este curso na elite do fútbol sala español. Ás ordes do santiagués David Rial, o zamorano foi un actor destacado neste primeiro tramo de competición e o pivote con máis minutos sobre a pista. Disputou os 13 encontros de liga -10 como titular- e anotou 3 goles, sendo dous dos seus tantos moi importantes nos triunfos ante Osasuna Magna Xota (2-0) e Industrias Santa Coloma (3-4). Dende o club agradecémoslle a súa aportación nesta exitosa tempada e media vestindo de laranxa e desexámoslle toda a sorte do mundo no seu futuro deportivo e persoal.
Pola súa banda, Guilherme Meira Acicoli, ‘Meira’ (São Paulo, 28 anos), chegou a Burela en setembro e, aínda que ao principio contou con minutos, a súa participación foi diminuíndo paulatinamente ata deixar de entrar nos plans de David Rial. Vestiu en sete ocasións a casaca laranxa, sempre como suplente, e non conseguiu ver porta durante a súa estancia en terras mariñás, onde demostrou carácter e alegría fóra da cancha. Todos os integrantes do club tamén lle desexan moitísima sorte e éxitos nos seus novos desempeños deportivos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
