O Deputado de Promoción Económica e Social, xunto ao Alcalde, e membros da organización, presentaron este xoves no Concello fonsagradino esta proba de montaña, que se celebrará o vindeiro 25 de xaneiro con récord de inscricións nas catro modalidades
Lugo, 16 de xaneiro de 2025. O Deputado de Promoción Económica e Social, Pablo Rivera Capón, xunto ao Alcalde da Fonsagrada, e tamén Deputado de Medio Ambiente, Carlos López López, a presidenta do Club de Montaña Terras de Burón, Nuria Fernández Yáñez, así como outros membros do equipo directivo, presentaron xoves no Salón de Plenos do Concello da Fonsagrada a terceira edición do Trail Terras de Burón. Esta proba de montaña, de referencia no calendario deportivo galego, reunirá o vindeiro sábado, 25 de xaneiro, na capital da Montaña de Lugo a 750 participantes grazas un ano máis á colaboración da institución provincial.
Pablo Rivera destacou o impacto que ten o Trail Terras de Burón, tanto no ámbito deportivo como no desenvolvemento económico e social para a comarca da Montaña. “A Fonsagrada é un lugar que se converteu nun referente grazas ao esforzo e dedicación de moitas persoas. Este evento, que segue medrando ano tras ano, destaca pola súa singularidade, pola súa conexión coa natureza e polo traballo conxunto de todos os implicados”, afirmou.
O Deputado felcitou á organización, ao equipo de goberno local e a todas as persoas e entidades implicadas que “co seu esforzo e dedicación, fan posible que o Trail Terras de Burón siga medrando e mostrando o mellor da Fonsagrada e da provincia de Lugo. “Nesta nova edición, o Trail de Inverno bate un ano máis todos os récords de participación, o que o converte nunha das grandes citas de montaña no calendario galego”.
Nesta terceira edición, o Trail Terras de Burón contará con 750 participantes nas catro modalidades que se celebran durante o evento. O Deputado subliñou que as cifras de participación son unha clara mostra do éxito desta proba, que non só atrae a corredores senón tamén xera un importante impacto positivo na economía local, atraendo turistas e promocionando a Fonsagrada. “Estas cifras non só reflicten o crecemento do evento, senón tamén a súa capacidade para dinamizar a economía e promover o turismo na comarca”, destacou Rivera.
Segundo sinalou o Deputado “desde a Deputación de Lugo, seguimos apostando por eventos como este que poñen en valor o noso territorio e fomentan a colaboración entre institucións e entidades locais. A implicación das autoridades municipais e dos organizadores é clave para garantir que eventos como o Trail Terras de Burón continúen a medrar e a situarse entre os máis esperados na nosa provincia”.
O III Trail Terras de Burón non é só unha proba de montaña, senón unha verdadeira inmersión no corazón dun territorio de gran valor ambiental e paisaxístico, como é o caso das Seimeiras. “Cada quilómetro percorrido nesta proba é unha experiencia única, un privilexio para os sentidos, que permite aos participantes desfrutar dunha das paisaxes máis fermosas de Galicia”, rematou Pablo Rivera.
No acto de presentación tamén tiveron presenza a Secretaria do Clube de Montaña Terras de Burón, Mirian Gómez Magide, o técnico Municipal de Deportes e Membro da Directiva do Clube de Montaña Terras de Burón, Enrique Fernández Carrín; o técnico de Carreira do Clube de Montaña Terras de Burón, Jorge Cancio Fernández; o responsable de Trail Runnig da Federación Galega de Atletismo, Iván Sangiao Darriba; o Concelleiro de Deportes do Concello da Fonsagrada, Silbán Rodríguez Palmeiro; e o Delegado da Federación Galega de Atletismo en Lugo, Pablo Gandoy López.
Catro modalidades
A terceira edición do Trail de Terras de Burón, tamén coñecido como Trail de Inverno, contará con catro probas. Haberá unha andaina de 15 quilómetros con 750 metros de desnivel positivo, e tres carreiras de montaña con distintas distancias; o trailiño, o percorrido máis corto, con 18 quilómetros cun denivel positivo de 1.000 metros; o Trail das Seimeiras, de media distancia, con 30 quilómetros e 1.650 de desnivel positivo; e por último, a máis longa, a Maratón das Seimeiras, con 40 quilómetros e 2.200 metros de desnivel positivo.
O punto de saída para todas as modalidades é a Praza do Concello. Os participantes da Maratón sairán ás 8:30 horas; os do Trail das Seimeiras, ás 9:30 horas; os do Trailiño, ás 10:30 horas; e os que farán a andaina, ás 10:40 horas. Habilitaranse zonas para os avituallamentos, gardarroupas e duchas quentadas para o remate da proba no pavillón municipal.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
