Nota de prensa
O 15 DE NOVEMBRO ÁBRESE O PRAZO NO CONCELLO DE RIBADEO PARA SOLICITAR OS 48 NOVOS NICHOS QUE SE CONSTRUIRÁN NO CEMITERIO MUNICIPAL. FERNANDO SUÁREZ CONSIDERA QUE CON ESTA REMESA QUEDARÁ SATISFEITA PARTE DA DEMANDA EXISTENTE.
Ribadeo, 5 de novembro de 2010. O vindeiro 15 de novembro ábrese o prazo no Concello para solicitar os 48 novos nichos que se construirán no cemiterio municipal. O alcalde, Fernando Suárez, considera que con esta remesa quedará satisfeita parte da demanda existente en Ribadeo.
O rexedor dixo esta mañá que “unha das cuestións de importancia que tiñamos contemplada nas inversións para este ano 2010, de aí que sometéramos a aprobación do presuposto vinculado a unha cuestión de confianza, era, entre outras cousas, porque había intención e necesidade manifesta de facer unha nova remesa de nichos no cemiterio municipal de Ribadeo”.
Suárez Barcia explicou que “unha vez feito o proxecto e tendo a consignación económica necesaria xa procedemos a adxudicar estes días a construcción de 48 novos nichos e a partires de agora ábrese o prazo dun mes para presentar as solicitudes, que de acordo coa lei de patrimonio das administracións públicas calquera concesión ten que facerse vía convocatoria pública. Todas aquelas persoas que desexen participar nesta convocatoria deben ter en conta que o prazo quedará aberto ás 9 da mañá do vindeiro 15 de novembro. Despois os nichos serán sorteados”. O alcalde de Ribadeo manifestou que “onte xa saiu o anuncio no Boletín Oficial da Provincia, pero nós tamén queremos dalo a coñecer porque sabemos que hai demanda e que incluso estes 48 nichos que imos facer non sexan suficientes para satisfacer toda a demanda existente. Resolverá, eso sí, unha parte importante desta problemática xa que moita xente aínda quere seguir enterrando aos seus seres queridos ou a eles mesmos cando falezan en nichos, a pesares de que cada vez é máis frecuente o da incineración o enterramento é algo que está moi vivo a día de hoxe”.
Fernando Suárez advirte que “no cemiterio xa non queda moito espazo para novas construccións, dado que houbo unha proposta de ordenanza que tentamos aprobar nun pleno hai uns meses, pero que foi lamentablemente desestimada polo resto de grupos da Corporación. Nela contemplábamos levar adiante unha serie de medidas para revocar moitas das concesións que non están en bó uso e que dalgunha maneira poderían servir para ser de novo concesionadas. Iso non puido ser e agora para saír do paso facemos unha nova remesa de nichos, pero pensando que cada vez queda menos sitio libre no cemiterio municipal. Quedaría espazo para unha posterior construcción doutros tantos nichos e con iso quedaría colmatado o cemiterio municipal de Ribadeo a espensas de facer unha reordenación en todas aquelas tumbas que non estean asistidas, coidadas ou que non se saiba nada dos seus posibles titulares”.
O prezo do nicho de tres ocos é de 1.345 euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
