Viveiro, 17 de xaneiro de 2025. A alcaldesa de Viveiro, María Loureiro, e a tenenta de alcaldesa, Míriam Bermúdez, consideran “incomprensible e contraria aos intereses da veciñanza” a decisión de Partido Popular e Por Viveiro de votar en contra da modificación da RPT que se debatiu no último pleno.
Na modificación recóllese a creación de tres novos postos de traballo: un limpador/a para o CEIP de Celeiro, un psicólogo/a para o CIM e un posto de Inspector-Xefe da Policía Local.
“A Lei de Coordinación da Policía Local de Galicia esixe contar co posto de Inspector, xa existente na RPT, e establece a cobertura da xefatura mediante libre designación, polo que coa creación do posto de Inspector Xefe con funcións de xefatura, dase cumprimento á lei e permítese que o nomeamento e cese da xefatura da Policía Local sexa por libre designación”, explicou a alcaldesa no pleno.
Actualmente, as funcións de Xefatura da Policía Local están asignadas ao posto de Inspector existente. Coa creación do posto de Inspector Xefe, as funcións de xefatura corresponderían a este novo posto.
“É unha modificación avalada por todos os informes xurídicos, polo xefe de Persoal e a mesa xeral de negociación sindical, así como polas consultas realizadas á Dirección Xeral de Emerxencias e Interior de Galicia e o catedrático da Universidade de Vigo redactor da RPT vixente”, engade Loureiro, “un procedemento independente da situación da Policía Local de Viveiro pero que aporta solucións á mesma”.
“PP e Por Viveiro piden ter acceso ao expediente de información reservada aberto ao respecto da Policía Local, algo que a normativa non permite e pode provocar a indefensión das partes, tal e como sinalou na consulta realizada a empresa encargada da Protección de Datos a nivel municipal”, aclara Míriam Bermúdez: “O documento de tramitación é confidencial, unha información de carácter reservado”.
O grupo de goberno descoñece “as intencións de PP e Por Viveiro; pedían unha solución e cando a temos, avalada por todos os informes, paralízana”.
“Os portavoces da oposición escoitaron a explicación por parte dos técnicos nas comisións e saben que esta modificación puntual cumpre coa lei e aporta solucións”, apunta o goberno local.
“É unha actuación paralela a calquera outro tipo de expediente que derive do expediente de información reservada, e todos os grupos municipais contaban antes do pleno coa información necesaria con todos os informes da modificación da RPT”, rematan.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
