Foz, 24 de xaneiro de 2025. A Aula Universitaria da UNED de Foz anuncia a súa variada programación de cursos para o mes de febreiro, con actividades orientadas a promover a aprendizaxe e o desenvolvemento persoal e profesional. A oferta inclúe seis propostas formativas que buscan responder ás necesidades da comunidade e fomentar a participación activa na educación continua.
A coordinadora da Aula, Marta Muiña, destaca: “o noso obxectivo é achegar propostas formativas de calidade que aborden tanto o desenvolvemento académico como o persoal. Cada unha destas actividades foi deseñada pensando na súa aplicabilidade e no impacto positivo que poden xerar na vida dos participantes”.
Pola súa banda, Elena Martínez, concelleira de Educación e responsable da Aula Universitaria, subliña a importancia destas iniciativas: “nun entorno en constante cambio, estas accións formativas non só achegan ferramentas prácticas, senón tamén oportunidades para o crecemento profesional e persoal da nosa comunidade”.
O 11 de febreiro dará comezo o Curso preparatorio de Celga 3 e 4 na súa segunda edición, “unha oportunidade ideal para quen desexen certificar as súas competencias en lingua galega”. As sesións realizaranse os martes de 16:00 a 19:00 horas, ofrecendo un enfoque práctico e adaptado ás necesidades dos participantes. Ese mesmo día, iniciarase o Curso de español para estranxeiros, dirixido a falantes non nativos que buscan mellorar a súa comunicación e integración en entornos hispanofalantes. Este curso terá lugar os martes e mércores de 18:30 a 20:30 horas.
O 13 de febreiro comezará “unha interesante proposta titulada Coñécete, ámate, que aplicará os principios da disciplina positiva ao autocoñecemento e autocoidado. As sesións desenvolveranse os xoves de 17:30 a 20:00 horas, achegando ferramentas esenciais para o benestar persoal. Posteriormente, o 17 de febreiro, dará inicio o Curso de Inglés A1 – Primeiros pasos, ideal para quen desexen iniciarse na aprendizaxe do idioma inglés. Impartirase os luns de 18:15 a 20:15 horas. Na mesma data, o 17 de febreiro, ofreceranse dúas propostas adicionais. Por unha banda, o curso Crea o teu negocio dixital e consegue novos clientes, que se realizará os luns de 15:45 a 17:45 horas e está dirixido a quen desexe emprender no mundo dixital e aprender estratexias para captar clientes. Por outra banda, levarase a cabo o curso Organización de espazos para mellorar a túa vida, centrado en técnicas para optimizar a organización persoal e aumentar a calidade de vida. Este curso desenvolverase os luns de 18:00 a 20:00 horas e será impartido por Alba Caamaño Fernández, coach de organización e fundadora de ORANA – Espazo & Orde”.
Para máis información sobre estas actividades e o proceso de inscrición as persoas interesadas poden contactar coa Aula Universitaria da UNED de Foz a través dos teléfonos 982.133.699 ou 604.034.549 ou do correo electrónico foz@lugo.uned.es.
Con esta iniciativa a UNED de Foz “reafirma o seu compromiso coa formación continua e o desenvolvemento integral da sociedade. Agardamos que esta oferta formativa sexa ben recibida e motive a moitas persoas a seguir aprendendo”, conclúe Marta Muiña.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
