“Cada vez hai máis xente interesada no que Viveiro ten: natureza, paisaxes, historia, patrimonio e boa gastronomía”, asegura María Loureiro
Viveiro, 24 de xaneiro de 2025. O Concello de Viveiro pechou hoxe a súa presenza en FITUR para promocionar e dar a coñecer o seu potencial turístico, grazas aos atractivos naturais, hstóricos e culturais da vila.
Asistiron a alcaldesa, María Loureiro, e o segundo tenente de alcaldesa, Jesús Fernández, que acudiron a diferentes actos da Feira de Turismo máis importante de España.
“Desde a pandemia, os destinos de natureza e descanso teñen moita demanda e aí Viveiro está cada vez mellor posicionada”, explica a alcaldesa. “Estamos ademais recollendo os froitos a moitos anos de traballo de promoción por toda Europa”, engade.
Ademais das reunións con varios turoperadores, Loureiro mantivo en Fitur un encontro cunha empresa especializada en promoción do turismo a través de IA e tecnoloxía, coa que xa colaborou o concello anteriormente, para falar de novos proxectos neste ámbito.
“Todos os concellos temos que dixitalizar a nosa oferta e apostar por temas como a realidade aumentada”, afirma a alcaldesa de Viveiro.
O concello formou parte en Fitur da presentación da Mancomunidade de Concellos da Mariña Lucense, coa súa nova campaña de comunicación ‘A Mariña Latexa contigo’, da Feira Expomar 2025 de Burela, e da nova campaña de promoción turística da Deputación de Lugo.
Outra cita importante foi o encontro en Fitur da Rede Europea de Celebracións de Semana Santa e Pascua. Por último, Jesús Fernández asistiu á gala NocheQ 25, no que recibiu a renovación da marca Q Calidad Turistica, concedida para a praia de Area.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
