O futbolista barcelonés, de 24 anos, procede do ATP Iluminación Ribera Navarra, co que disputou 13 encontros e anotou un gol na primeira volta, e comprométese ata final de tempada
Burela, 30 de xaneiro, 2025. O á Marc Campàs é novo xogador do CD Burela FS. O futbolista catalán, nacido en Barcelona o 21 de decembro do 2000 (24 anos), chega procedente do ATP Iluminación Tudelano Ribeira Navarra e firma ata final de tempada.
Marc Campàs Rigat é un futbolista con moita proxección criado na prolífica canteira do Barça e que xa conta con experiencia na máxima categoría española, na liga belga e na UEFA Futsal Champions League. Ao cadro mariñao xa se enfrontou na súa etapa no filial do conxunto blaugrana, co que competiu durante catro tempadas en Segunda División e anotou 20 e 18 goles nas súas últimas dúas campañas como culé, dando o pasado curso o salto ao RSC Anderlecht belga, co que dominou as competicións nacionais e anotou 15 tantos, ademais de participar na Rolda Elite da UEFA Futsal Champions League.
O pasado verán regresou a España para enrolarse nas filas do ATP Iluminación Tudelano Ribeira Navarra, de Primeira División, co que disputou un total de 13 partidos durante a primeira volta e anotou un gol de belísima factura diante do Córdoba Patrimonio da Humanidade na quinta xornada, nun remate de chilena tras un balón en longo do meta Raúl Jiménez que se fixo viral rapidamente e opta, sen dúbida, a ser o tanto máis bonito da tempada.
O á catalán axudará a enriquecer o plantel que ten á súa disposición David Rial. “Viñámolo seguindo desde as súas tempadas en Segunda División co Barça Atlètic, onde xa nos enfrontamos a el e sentimos que tiña un gran potencial, sendo un xogador moi importante e con moi bos números. Estamos moi contentos e agradecidos de que apostase por nós neste momento”, explica o técnico santiagués.
Rial agarda que Campàs lles ofreza solucións a nivel ofensivo. “Aínda que é verdade que esta tempada tivo menos continuidade, esperamos que nos poida achegar moito na faceta ofensiva, tanto desde o desborde como desde o pase ou en situacións de finalización”, sinala.
Mercado pechado
O mercado de fichaxes en Primeira División péchase mañá e non está previsto que se rexistren máis movementos de entrada ou saída na entidade mariñá.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
