Avoga por dirixirse a el de forma construtiva como fai o Goberno galego, con distintas liñas de actuación que están destinadas a paliar a perdas ocasionadas polos fenómenos adversos que lastraron a produción dos anos 2023 e 2024
Santiago de Compostela, 12 de febreiro de 2025. O conselleiro do Mar, Alfonso Villares, apelou á unidade de todos os grupos políticos a traballar en prol do sector marítimo-pesqueiro de Galicia. Así o manifestou na súa intervención parlamentaria en resposta á interpelación formulada sobre a situación do sector do mar galego, logo de por en valor o carácter estratéxico de toda a cadea mar-industria, así como do esforzo que realizan a diario o traballadores e profesionais vinculados a este réxime, altamente prexudicado polos episodios de forte pluviosidade e as altas temperaturas que afectaron á producións dos anos 2023 e 2024, e que provocaron unha alta mortaldade das poboacións, o recrutamento e o crecemento das especies.
A este respecto, Villares realizou unha clara defensa do sector, que é resiliente por natureza, e cuxa actividade representa preto do 5% do Produto Interior Bruto de Galicia e o 5,5% do Valor Agregado Bruto. Por iso, destacou a importancia de dirixirse a el de forma construtiva como o está a facer o Goberno galego, con distintas liñas de actuación deseñadas conxuntamente coa xente do mar, e que están destinadas a contribuír a aumentar a súa competitividade, a manter os postos de traballo que xera na actualidade, a garantir a soberanía alimentaria e a sostibilidade dos recursos.
Accións deseñadas co sector
É o caso, dixo, do Plan de Competitividade e Sostibilidade do Marisqueo 2024-2025 dotado con 123 millóns de euros, dos que xa se mobilizaron 70 millóns para axudar a paliar as paradas temporais, a investir na mellora dos equipamentos e infraestruturas portuarias, a restaurar a biodiversidade e os ecosistemas mariños, a aumentar a produtividade dos bancos marisqueiros con problemas de perdas de produción, á xestión da pesca costeira artesanal, á formación profesional ou ao desenvolvemento dos Grupos de Acción Local (GALP).
En paralelo, o conselleiro destacou os proxectos que se están a levar a cabo para impulsar a internacionalización do sector, consolidando o liderado do mesmo no mercado exterior, e que contribúen a que hoxe a comunidade se sitúe na décimo terceira potencia exportadora mundial. Como exemplos citou as campañas de promoción dos produtos para reverter a tendencia existente de baixada do consumo, facendo fincapé na de GALICIA SABE AMAR; nas axudas para a renovación, modernización e mellora da seguridade e habitabilidade a bordo, cifradas en 6,25 millóns; nas destinadas a pemes de transformación dos produtos pesqueiros e de acuicultura, que contan cun investimento doutros 10 millóns; ou nos 65,7 millóns para impulsar o espírito empresarial na acuicultura, dende a neutralidade climática e a mellora do rendemento das súas explotacións.
Alianzas recentes
Trátase, en definitiva, de trazar alianzas que teñan por obxectivo seguir apoiando un sector clave na economía galega. Proba delo, é que, tal e como se produciu no día de onte, na xuntanza de traballo que mantivo cos representantes das confrarías da Ría de Arousa, Villares trasladou o compromiso da Xunta de continuar apostando por implantar medidas que impulsen as zonas produtivas do marisqueo, que se sumen aos proxectos de investigación que se están a desenvolver coas universidades galegas para abordar con profundidade os factores que afectan á produtividade dos bancos e ao deseño de actuacións biotecnolóxicas que permitan mitigalas.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
