Ribadeo, 21 de febreiro de 2025. Ribadeo asina un novo convenio coa Xunta de Galicia por importe de 80.000 euros. O investimento irá destinado a unha actuación na contorna da igrexa de Santalla de Vilausende, onde se creará un aparcadoiro para 56 coches.
O alcalde, Dani Vega, contou que “hoxe firmamos un novo convenio coa Xunta de Galicia, de preto de 80.000 euros, despois de escoitar as demandas de todos os veciños, destacar o traballo da asociación xuvenil e tamén da asociación de veciños, despois de escoitar todas esas propostas desde o Concello puxémonos a traballar para conseguir os terreos, que son propiedade do Bispado. Conseguimos esa cesión de uso para que as administracións podan investir e converter un terreo que non tiña un uso concreto, que ultimamente estaba bastante desdeixado e o que quixemos é dotar dun espazo e dun servizo para todos os veciños”.
O rexedor declarou: “creo positivo que a espazos que non teñen uso concreto lle saquemos un beneficio, neste caso trátase dun aparcadoiro humanizado que vaia co entorno, unha inversión importante de 80.000 euros. Hai que facer todo un traballo de eliminación de terra, excavacións, dotar de espazo de aparcadoiros, con plantación de árbores, o que ven sendo un aparcadoiro rural que estea humanizado. Todo iso é o que vai realizarse en Santalla de Vilausende”.
Vega explicou que “para conseguir esta inversión creo que hai que facer un traballo previo de xestión. Por iso, lle agradezo a Consellería de Vivenda e Planificación de Infraestruturas toda a súa disposición para investir tamén nas nosas parroquias. Polo tanto, un agradecemento á conselleira, a María Martínez, porque desde o principio entendeu que as infraestruturas non hai que concretalas non punto, senón que ten que ser unha inversión para o conxunto do concello”.
O alcalde tivo palabras de agradecemento: “tamén agradecer ao delegado da Xunta, á directora Xeral de Urbanismo, ao director territorial de Infraestruturas, ao arquitecto municipal, aos técnicos de Infraestruturas do Concello, á técnica de Medio Rural, ao secretario municipal e ao cura párroco de Santalla, porque este traballo desde o principio foi coordinado coas asociacións, pero tamén co Bispado, e o cura párroco, don Pepe Boullosa, desde o principio entendeu, comprendeu, que un terreo non tiña que estar abandonado, senón que había que darlle un uso para todos os veciños”.
E subliñou: “todo aquilo que comeza coordinado, todo aquilo que comeza cunha vocación clara de investir, de mellorar e de seguir avanzando acaba sempre en bo porto. Grazas a todos. Esta nova inversión por parte da Xunta de Galicia de preto de 80.000 euros, para nós é importante, porque investimos no conxunto do concello e iso significa que Ribadeo sigue avanzando”.
O alcalde destacou que é a primeira vez na historia de Ribadeo que se asina un convenio entre o Concello e a Xunta nunha parroquia. E apostou pola necesidade de seguir investindo no rural.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
