Ribadeo, 26 de febreiro, 2025. Tras un ano reclamando a plena prestación do servizo de pediatría do centro de saúde de Ribadeo a única resposta que deu a Consellaría de Sanidade foi afirmar: “A atención pediátrica está garantida”. “Pouco lles importaba na Consellaría que as familias ribadenses viran ao longo destes meses como se adiaban as consultas ou, simplemente, non había pediatra para as súas crianzas”.
Pero, a día de hoxe, a situación non é mellor nocentro de saúde. A consulta de pediatría segue desatendida máis da metade do tempo, deixando a máis de 900 nenas e nenos sen a asistencia sanitaria especializada que merecen e á que teñen dereito. “Pouco lle importa ao goberno da Xunta que un dereito fundamental, como é do da saúde, non sexa garantido”.
“O mesmo ocorre coa consulta da matrona, ausente por incapacidade temporal, e en servizo só un día á semana. A saúde maternoinfantil, sexual e reprodutiva da muller en atención primaria, ou dos programas de preparación prenatal e preparación completa ao parto, tamén quedan ao pairo no centro de saúde de Ribadeo. Ningunha das mulleres embarazadas en Ribadeo no último semestre do ano 2024 e no que vai de 2025 tivo acceso a clases de preparación ó parto e preparación prenatal debido a esta carencia. Outro tanto podemos dicir sobre a situación dos cupos de medicina de familia, evidencia do abandono sistemático ao que está sometida a Atención Primaria do noso pobo”.
A praza dunha médica leva sen cubrirse dende decembro de 2023, cando se xubilou a anterior profesional. Sábeno ben os seus pacientes, obrigados a andar de profesional en profesional cada vez que necesitan atención, e privados do seguimento e control que é a base da medicina de familia. A maior abondamento, proximamente dúas profesionais máis procederán a xubilarse ademais das que se atopan en prórroga voluntaria por riba xa da idade de xubilación. “Que conten o conto que queiran desde a Consellaría: a xente xubilase. Andar a voltas dicindo que oficialmente non lles consta nada é vergoñento e mesquiño: é querer enganarnos”.
“Con estes antecedentes, o panorama é desolador. Cando se producen ausencias das profesionais por permisos de distinto tipo, resulta que non son cubertas. As pobres solucións pasan por prolongar a xornada do resto de profesionais para atender aos pacientes das súas compañeiras ou ser repartidos entre as demais médicas saturando as xa de por si apretadas axendas (e se non hai pediatra os/as nenos/as tamén pasan a ser atendidos pola medicina de familia)”.
“Cando demandamos máis profesionais a resposta por parte da Consellaría de Sanidade é sempre a mesma: “non os hai”, “non hai pediatras”, “para Ribadeo non queren vir médicos…”, ou mellor aínda: “se saben vostedes dalgún pediatra, dígannolo que o contratamos”. Pero nós non estamos dispostos a asumir o discurso derrotista do PP. Esta situación é derivada da política de desmantelamento da sanidade pública ben planificada polo PP. Os profesionais vanse porque andan á procura de mellores condicións laborais (ben sexa noutras comunidades, ben sexa no estranxeiro)”.
“O PP sempre aproveitou as crises para acelerar a súa política de deterioro dos servizos públicos en xeral, e especialmente na sanidade pública, reducindo o número de profesionais. Segundo a memoria do 2023 do Defensor do Paciente, a Atención Primaria galega ocupa o vergoñento primeiro posto no ránking de “saturación” no Estado Español. A pesares de que a Atención Primaria resolve entre o 80-90% dos problemas de saúde da poboación o PP tena infradotada, con só un 12% do total do orzamento de sanidade, á cola do estado; tan só Madrid está por detrás. E xa sabemos o concepto que a presidenta madrileña ten da sanidade pública. Semella que o PP de Galicia quere imitala. Xente do PP ribadense aplaudía a rabiar ante Isabel Díaz Ayuso cando esta defendía recentemente en Ribadeo a súa actuación durante a COVID nas residencias de maiores. Pero de defender a veciñanza e esixir con contundencia que se repoñan esas prazas, non sabemos nada. Todo é servilismo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
