O conxunto laranxa dominou todo o encontro e certificou a súa aplastante vitoria nun segundo tempo no que desarbolaron por completo ás marinenses
Burela, 1 de marzo, 2025. O conxunto feminino do Burela FS superou con esmagadora autoridade a un Ence Marín Futsal (6-1) que cae a postos de descenso tras esta vixésimo segunda xornada da Primeira Iberdrola FS. As mariñás xa dominaron amplamente o primeiro tempo, pero só pudieron marchar ao descanso cun escaso 1-0 despois de perdoar moitas ocasións ante o marco contrario. No segundo melloraron a súa eficacia e o cadro pontevedrés non tivo opcións diante das futbolistas dirixidas por Julio Delgado.
O primeiro tempo foi un monólogo do conxunto laranxa, que dominou a posesión do balón e acumulou ocasións de gol no marco de Patri. O tanto, ademais, chegou na primeira oportunidade de gol, xerada nun saque de banda de Antía Pérez ao que chegaba Dinha coa coxa para adiantar ás burelistas.
O gol non cambiou o decorado e as discípulas de Julio Delgado non deixaron de buscar o segundo tanto durante o resto do primeiro período. Tívoo Antía Pérez no minuto 4, pero a súa gran picada sobre a saída de Patri foise ao pau dereito de meta marinense. Probaríao de novo a de Laza pouco despois, nunha deixada de Débora de pívot, pero o seu remate foise moi centrado e detívoo sen apuros a porteira visitante.
Co ecuador da primeira entrega superado, Patricia recibía no pívot, virábase moi ben e o seu disparo cruzado impactaba no pau da meta pontevedresa. Non sería o último, xa que no 18 era Cris Lourés a que se atopaba coa madeira noutro remate cruzado tras unha gran parede con Dany. Previamente, nun saque de esquina de Cilene ao segundo pau, era Cami a que remataba abaixo e sacaba con apuros Patri cos pés. Con 1-0 no marcador e a pouco máis dun minuto do intervalo, o Ence Marín Futsal tivo a súa única e gran ocasión da primeira metade nun balón en longo de Patri que deixaba soa a Café ante Ana Eliza. Resolvía ben a brasileira metendo unha perna e enviando o balón a córner.
O guion do segundo tempo foi idéntico, cun Burela FS que anotou no seu primeiro achegamento ao marco contrario. Cando non se disputara aínda medio minuto, Débora recibía no pívot, realizaba un gran reverso e batía a Patri cun gran disparo cruzado. O cadro mariñao seguiu insistindo e, tras un remate de primeiras de Dinha que se ía preto da escuadra tras un córner botado por Antía Pérez, Débora marcaba o seu segundo tanto nun remate a pracer no segundo pau tras unha gran asistencia de Antía Pérez.
O Marín era incapaz de deter o caudal ofensivo laranxa e logo de perdoar Cris Lourés nun remate con todo a favor, de novo as locais castigaban ás brancocelestes nunha acción de estratexia. Cilene sacaba unha falta centrada e Dany tan só tiña que empuxala no segundo pau.
Con 4-0 no electrónico e a 8 minutos e 55 segundos da conclusión, o cadro pontevedrés apostaba por sacar a Miriam coa camiseta de porteira-xogadora e chegaba a primeira intervención de Caridad no partido, desviando un disparo afastado de Guida. O cadro burelés defendeu ben o xogo de cinco visitante e mesmo aumentou a súa renda. No 34 era Noelia Montoro a que aproveitaba un balón morto para marcar desde campo propio coa zurda aproveitando que a portería visitante estaba baleira. Dous minutos máis tarde repetía a acción Cris Lourés para facer o sexto.
Coa vitoria no peto, o Burela sesteou nos dous últimos minutos e as marinenses anotaban o tanto da honra nunha acción na que Café case chegaba a liña de fondo e servía ao segundo pau para que Miriam rematase libre de marca. 20 segundos máis tarde, a propia Miriam atoparíase co traveseiro e o marcador xa non se movería do 6-1 definitivo.
Ficha Técnica Burela FS 6-1 Ence Marín Futsal
Burela FS (6): Ana Eliza; Noelia Montoro, Antía Pérez, Dinha, Débora -quinteto inicial-, Cami, Cilene, Dany, Cris Lourés, Emilly, Patricia e Caridad (ps).
Ence Marín Futsal (1): Patri; Patri Corral, Mirima, Gi Portes, Guida -quinteto inicial-, Café, Lucía, Carolina Bravo, Morgana, Paula e Ana Pinto (ps).
Goles: 1-0, min. 2: Dinha. 2-0, min. 21: Débora. 3-0, min. 23: Débora. 4-0, min. 28: Dany. 5-0, min. 34: Noelia Montoro. 6-0, min. 36: Cris Lourés. 6-1, min. 38: Miriam.
Árbitros: Paula Álvarez e Sergio Toral (Castela e León). Amoestaron á local Antía Pérez e á visitante Gi Portes.
Incidencias: Encontro da vixésimo segunda xornada da Primeira Iberdrola femenina disputado no pavillón de Vista Alegre diante duns 600 espectadores. Nos prolegómenos do encontro homenaxeouse á futbolista local Emilly Marcondes polo seu recente nomeamento como mellor xogadora do mundo, premio concedido pola publicación internacional Futsal Planet. O presidente do club burelés, Manolo Blanco, fixolle entrega da placa que a acredita como vencedora do premio e dun obsequio que repasa as súas primeiras temporadas na entidad laranxa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
