Os populares piden “responsabilidade” ao Goberno central e indican que agora o futuro da planta e os 2.500 postos de traballo que se xerarían na provincia de Lugo dependen de que se resolva a conexión eléctrica e se habiliten as axudas á implantación desta iniciativa como a calquera outro proxecto no resto de comunidades autónomas
Lugo, 14 de marzo de 2025. No Partido Popular da provincia de Lugo valoran “positivamente” a Declaración de Impacto Ambiental favorable ao proxecto de Altri en Palas de Rei, así como piden “respecto para o traballo obxectivo” realizado polos técnicos de todas as administracións implicadas.
Dende o PP de Lugo defenden o traballo realizado polos técnicos da Xunta de Galicia, do Ministerio, das Deputacións e Concellos afectados, que demostra que “os proxectos que cumpren coa normativa ambiental galega, que é da máxima esixencia, poden instalarse no territorio”, unha máxima que no Partido Popular “se defendeu en todo momento, avaliando así o traballo dos técnicos, que serían os que determinasen a viabilidade do proxecto de Altri, sen sucumbir a presións”.
Neste senso, “estamos seguros que Xunta de Galicia vai velar por que a empresa cumpra todas as condicións que establece a DIA, que non é unha folla en branco, senón todo o contrario, xa que esixe ao promotor a adopción de múltiples medidas para garantir a compatibilidade ambiental do proxecto e unha vixilancia constante”.
Dende o PP de Lugo tamén sinalan que o Goberno do Estado tamén ten a súa responsabilidade e “non pode seguir de perfil” ao “estar nas súas mans” que Altri dispoña dos fondos e a conexión á rede eléctrica necesarios para poder iniciar a súa actividade.
“Os 2.500 postos de traballo na provincia de Lugo dependen da responsabilidade e coherencia do Goberno central, que debe de tratar a Galicia como ao resto de comunidades autónomas e ás súas iniciativas empresariais”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
