A Mariña 15 de marzo de 2025. Colectivos diversos organizacións sindicais e políticas, así como persoas a título individual reuníronse en Burela o xoves 14 de marzo para ultimar detalles organizativos cara á manifestación que o próximo domingo 23 de marzo sairá da Cruz Vermella de Viveiro ás 12 horas. Baixo o lema “Pola Resurrección da Nosa Sanidade”, atravesará a Ponte da Misericordia dirixíndose cara ao Centro de Saúde, onde se dará lectura ao manifesto.
O colectivo sanitario xa ten prácticamente pechados os detalles organizativos e anuncia que durante esta semana que entra haberá visitas aos mercados das localidades a modo informativo.
Igualmente siguen coa venda de camisetas e haberá tamén un posto de venda o día da manifestación.
Durante o transcurso da mobilización contaremos tamén con diversas accións tipo “performance” a cargo do tecido cultural mariñao.
CONTESTACIÓN AO CONSELLEIRO
En relación ás palabras do conselleiro de sanidade pedindo a SOS Sanidade Pública, plataforma nacional da que somos parte, que suspenda a gran manifestación que está convocada en Santiago o día 6 de abril, Montse Porteiro, coordinadora da plataforma mariñá contesta que “que de ningún xeito se vai suspender o exercicio do poder que ten o pobo para disentir das políticas sanitarias que se están desenvolvendo desde o goberno da Xunta e desde a Consellería de Sanidade, e como se soe dicir nestes casos se non quere unha taza de caldo, pois terá que tomar duas”.
Desde a Plataforma Sanitaria da Mariña animamos a toda a sociedade mariñá a que saia á rúa o domingo 23 de marzo para parar esta desfeita na sanidade da comarca
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
