Alfoz, 15 de marzo de 2025. O Concello de Alfoz vén de poñer en marcha un proxecto de mellora e acondicionamento do parque principal do municipio, Parque Municipal Alcalde José Palmeiro, co obxectivo de ofrecer un espazo renovado e máis accesible para o lecer da veciñanza, así como no parque que se atopa no interior do recinto do colexio CEIP Plurilingüe Castro de Ouro.
As actuacións levadas a cabo incluíron a limpeza das rúas próximas ao parque, o peche con burladeiros de todas as rúas con acceso directo a unha estrada e a retirada de antigas papeleiras en mal estado, coa súa correspondente reposición. Tamén se levou a cabo a retirada de árbores enfermas e a substitución dos elementos de xogo infantil, mellorando ademais o chan destas áreas para aumentar a seguridade dos máis pequenos. Así mesmo, instalouse unha papeleira hixiénica para os residuos das mascotas.
Esta intervención responde a unha demanda dos veciños e busca facer do parque un espazo máis agradable, seguro e inclusivo para todas as idades. A remodelación tamén tivo en conta criterios de sustentabilidade, empregando materiais respectuosos co medio ambiente e fomentando a conservación da biodiversidade.
Proximamente repoñeranse os arbustos para completar o peche do parque, rematando coas melloras neste parque.
As intervencións no parque que está dentro do recinto do colexio incluíu a retirada e limpeza do solo existente e a reposición do danado, así como a limpeza e arranxo dos xogos infantís.
Ademais estudouse a casuística do parque da Feira do 13 e convocarase a unha reunión a asociación parroquial para acordar melloras.
O Concello de Alfoz agradece a colaboración da veciñanza nos meses nos que os parques estiveron en obras e convida a desfrutalos con uso responsable e cívico; querendo recordar que os parques son para uso e desfrute de toda a veciñanza e que debemos coidalos.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
