Europa está a vivir un momento de transformación. O equilibrio mundial cambia. A seguridade que nos garantían os vellos acordos xa non é suficiente nun mundo en cambio constante. A dependencia militar de Estados Unidos, que durante décadas foi vista como un seguro de vida, revelou a súa fraxilidade. A nosa defensa non pode estar suxeita aos caprichos dunhas eleccións en Washington ou ás prioridades dun Congreso estadounidense cada vez máis centrado no seu propio eixo interno. O tempo de construír un Exército Único Europeo chegou.
A defensa non é só unha cuestión de seguridade, senón de soberanía. Ningunha nación é soberana se non pode defenderse por si mesma, e Europa, se quere consolidarse como unha Nación de Nacións, necesita que os seus soldados leven a súa bandeira no ombreiro. Isto non é só unha cuestión simbólica: é un paso necesario cara á autonomía estratéxica. Sen un exército propio, Europa non é máis que unha colección de estados vulnerables, dependentes do beneplácito alleo.
Oportunidade para Galicia: Defensa e Industria
O incremento do gasto en defensa non só é unha necesidade, senón tamén unha oportunidade. En Galicia coñecemos ben o potencial da industria militar e aeroespacial. Xa en 2019, desde o PDE en Lugo, reclamabamos un papel protagonista para Rozas no desenvolvemento de drones para a defensa europea. Hoxe, esa aposta faise máis necesaria ca nunca. Galicia ten infraestruturas, talento e capacidade para ser un nodo clave nunha política de defensa europea que aposte pola innovación e a tecnoloxía propia.
Desde o naval ata a ciberseguridade, pasando polos sistemas non tripulados, a nosa comunidade pode e debe beneficiarse do novo paradigma. Unha Europa con Exército propio necesita unha industria que a abasteza, e Galicia debe estar na vangarda desa transformación. O que antes era unha aposta política, hoxe é unha obriga estratéxica, ollo o BNG debe explicar a súa posición aos traballadores da industria militar de Galicia, a ver si é quen.
O Freo dos Extremos: Os de Sempre Contra Europa
Porén, a construción dunha defensa europea forte non está exenta de inimigos. Os extremos políticos, tanto da dereita como da esquerda, volven actuar como lastres da soberanía europea. Desde a ultradereita, que prefire un continente feble e fragmentado para someterse a Washington ou Moscova, ata a extrema esquerda, que segue atrapada nun pacifismo infantil e irrealista, os ataques contra o rearme europeo parten sempre do mesmo punto: o medo a unha Europa forte que non te enganen.
Non debemos permitir que o debate sobre a defensa estea secuestrado por quen vive na nostalxia de pasados idealizados ou por quen prefire a dependencia antes ca responsabilidade. Europa non pode ser forte sen seguridade, e non pode haber seguridade sen capacidade militar propia.
A nosa independencia enerxética, a nosa economía e a nosa posición no mundo dependen de que saibamos actuar con responsabilidade. E iso significa investir en defensa, fortalecer a nosa industria e poñer os intereses europeos por riba dos cálculos electorais das forzas que prefiren unha Europa sometida e se cadra inexistente.
Conclusión: O Momento é Agora
O mundo mudou, e Europa ten que moverse con el. Non é tempo de dubidar, nin de seguir hipotecados a alianzas que poden cambiar segundo os intereses doutros. O Exército Único Europeo non é unha utopía, é unha necesidade urxente. Galicia debe reclamar o seu papel neste proceso, converténdose nun eixo estratéxico da nova industria de defensa continental.
Europa, se quere ser unha Nación de Nacións, necesita soldados que leven a súa bandeira e a súa defensa nas súas propias mans. O tempo do Exército Europeo chegou. E os que o negan, traballan para que Europa siga sendo un xigante económico con pés de barro.
É hora de cambiar iso. Sen complexos e con compromiso,
Juan Carlos Piñeiro Docampo
Sº Xeral de CxG
Membro do Council do Partido Demócrata Europeo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
