Lara Méndez esíxelle ao conselleiro de Sanidade que escoite aos veciños e veciñas e aos profesionais do centro que se manifestaron a pasada fin de semana porque están “exhaustos e indignados”
Santiago de Compostela, 26 de marzo de 2025. A viceportavoz do Grupo Socialista, Lara Méndez, sinalou hoxe que o Hospital Público da Mariña “nunca estivo peor” nos seus 36 anos de vida logo de 16 anos de xestión do PP na Xunta de Galicia. A responsable socialista presentou unha pregunta oral no Pleno do Parlamento na que lle reclamou ao conselleiro de Sanidade que escoite aos veciños e veciñas que se manifestaron esta fin de semana en Viveiro na defensa do Hospital.
Méndez instou á Xunta a atender aos cidadáns e aos profesionais do centro “exhaustos e indignados” pola falla de recursos por parte do goberno galego que os ten “sobrepasados” e impide prestar unha atención sanitaria pública de calidade. Sinalou que mentres os afectados defendían a súa saúde nas rúas, os representantes do PP “facían un Mazón” índose “de paparota” a Viveiro, en alusión ao certame convocado polo deputado galego do PP no Congreso Miguel Tellado.
Criticou que o concelleiro de Sanidade bote “balóns fora” sinalando ao goberno central ou apuntando que a situación é mellor que hai un ano, cando en realidade estalle a facer unha “emenda á totalidade” da xestión de Feijóo e Rueda. Apuntou que a atención primaria está ao borde do colapso pola “xestión absolutamente deficiente durante 16 anos”, por parte do goberno galego, que deixa cupos sen cubrir, centros de saúde sen médicos e médicas de familia e esperas interminables.
Datos camuflados
A responsable socialista acusou ao goberno galego de presentar datos “maquillados e camuflados”, ao agochar as listas de espera reais. Explicou que os datos “oficiais” revelan esperas de 159 días para Cardioloxía, e 140,5 en Psiquiatría, sen ter en conta os milleiros de pacientes que agardan ata dous anos no “buzón” de espera do Sergas antes de entrar nas listas, e que evidencian unha realidade “insostible e insoportable”.
Puxo como exemplo o caso dun paciente de Uroloxía no Hospital da Mariña -que ten unha espera “oficial” de 39 días- que leva agardando 5 anos e 5 meses para ser atendido, ou o paciente con párkinson que se plantou diante do centro ata que lle deran cita porque levaba un ano de espera.
A responsable socialista trasladou hoxe as queixas do persoal do Hospital logo de manter unha xuntanza a semana pasada con representantes da Xunta de Persoal e facultativos do propio centro, de Atención Primaria e do Punto de Atención Continuada.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
