Tamén subliñou o investimento de 24 millóns de euros en investigación para analizar os factores que inflúen na produción así como o deseño de medidas que permitan mitigar o seu impacto
Santiago de Compostela, 27 de marzo de 2025. O conselleiro do Mar, Alfonso Villares, mantivo un encontro con representantes das Federacións de Confrarías de Pescadores no que serviu para facer o seguimento das actuacións realizadas ata agora pola Xunta ao abeiro do Plan de Competitividade e Sostibilidade do Marisqueo en Galicia, dotado con 123 millóns de euros. Acompañado pola secretaria xeral Técnica da Consellería, Marta Barreiro, pola directora xeral de Pesca Acuicultura e Innovación Tecnolóxica, Patricia García, e a directora xeral de Desenvolvemento Pesqueiro, Marta Villaverde, subliñou o compromiso do Goberno galego co sector que se materializa na mobilización de recursos e de medidas de apoio.
O responsable autonómico recordou as dúas ordes de axudas convocadas pola Consellería do Mar para a mellora da xestión e conservación dos bancos marisqueiros, que ascenden a 2,2 millóns de euros, destinadas a promover a elaboración e desenvolvemento de proxectos que teñan por obxecto recuperar hábitats mariños e costeiros en favor de poboacións de especies de interese marisqueiro. Uns apoios, resaltou, que contribúen a unha mellor xestión ou conservación dos recursos biolóxicos mariños así como ao desenvolvemento sustentable dos bancos marisqueiros evitando o abandono de zonas produtivas en que se estea a dar unha perda de produtividade.
Nesta liña, destacou a orde de axudas a novos proxectos colectivos de modernización, mellora dos equipamentos e das infraestruturas portuarias dotadas con 9 millóns de euros. Unhas axudas que se suman ás destinadas a proxectos colectivos para reforzar a xestión dos recursos da pesca costeira artesanal para garantir unha actividade económica social e ambientalmente sostible. Ademais, sinalou que as ordes foron incrementadas para atender as necesidades do sector. No caso dos apoios á rexeneración incrementáronse o coste máximo por proxecto a 75.000 € e incluíuse a posibilidade de que o 20% do coste do proxecto se puidese destinar a compensar ás persoas mariscadoras que participasen no mesmo.
Investigación
O Goberno galego tamén realiza unha aposta forte pola investigación co obxectivo de contar coa mellor información dispoñible no deseño de medidas eficaces ante os desafíos aos que se enfronta o sector. Así, neste ámbito, destina 24 millóns de euros a través do Intecmar, o Centro Tecnolóxico do Mar (Cetmar), o Centro de Investigacións Mariñas (CIMA), do Programa de Ciencias Mariñas ou de Redemar, plataforma de traballo entre os centros de investigación autonómicos e o sector.
Un labor que é reforzado coa orde de axudas para asistencias técnicas ás confrarías o Plan de Investigación, Desenvolvemento e Innovación Tecnolóxica, ou o Observatorio Costeiro de Galicia. A isto, súmase a colaboración coas universidades galegas e que está axudando a avanzar na optimización e mellora do proceso de obtención de semente, na obtención de estirpes resistentes aos cambios ambientais e a enfermidades que condicionan a súa viabilidade ou no estudo do estados dos bancos marisqueiros e os factores que inflúen na súa produtividade.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
