“Os orzamentos son un reflexo do proxecto político que nos indica as prioridades dun concello e esta equipa de goberno non ten proxecto” afirma Rosa Rego
A Fonsagrada, 1 de abril de 2025. O BNG da Fonsagrada, a través da súa concelleira, Rosa Rego, lamenta que a equipa de goberno non teña presentados orzamentos para o ano 2025 nin os vaia a presentar segundo as manifestacións feitas polo alcalde no último pleno.
As entidades locais teñen a obriga de aprobar os orzamentos para o ano seguinte a 31 de decembro do ano anterior ao exercicio, de forma que a 1 de Xaneiro todas as entidades locais deben ter aprobado os seus orzamentos. A finais de marzo a falta de presupostos de 2025, supón que o orzamento do 2024 se atope prorrogado, o que implica non poder facer investimentos e o avance do concello.
No concello da Fonsagrada “non temos nada presentado isto implica que non temos un proxecto para o concello, que temos un concello sen rumbo que vai a salto de mata, que as cousas se van solucionando segundo vai habendo problemas” explica Rego
A aprobación duns orzamentos permite ter un concello máis estable economicamente e poder camiñar cara un concello transformador e mellorar a calidade de vida da veciñanza do concello.
“A nefasta xestión económica do PSOE non pode castigar á veciñanza e iso é o que pasa neste concello, pois os pagos con reparo son continuos. É unha cuestión de falla de responsabilidade e planificación que a paga a veciñanza e que demostra o seu esgotamento político” conclúe Rego
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
